અમદાવાદ / તમે લોકોને હેરાન કરો છો, હું કોઈ દંડ ભરવાનો નથી

એક યુવકે કારમાંથી ઊતરીને પોલીસની કામગીરીમાં અડચણરૂપ બનીને ‘તમે ખોટે ખોટા લોકોને હેરાન કરો છો, ખોટો દંડ ઉઘરાવો છો, જોરજોરથી બૂમો પાડીને લોકો ભેગા કરીને હું દંડ નહીં ભરું તેમ કહીને પોલીસ કર્મચારી સાથે ઝપાઝપી કરી હતી.

રામોલ પોલીસ સ્ટેશનમાં ફરજ બજાવતા લોકરક્ષક સમીરભાઈ ડાયાભાઇ અને હાલમાં વસ્ત્રાલ વોર્ડની કોર્પોરેશનના ‌હેલ્થ વિભાગની જેટ રિક્ષાની ટીમ સાથે આરટીઓરોડ પર આવેલ જડેશ્વર કોમ્પ્લેક્સ સામે બગીચા પાસે ટ્રાફિકની કામગીરી કરતા હતા તે સમયે એક કારચાલકે સીટ બેલ્ટ બાંધેલ ન હોવાથી તે પસાર થતો હતો ત્યારે પોલીસે તેને રોક્યો હતો અને દંડ ભરવા તથા કાગળો બતાવવા માટે કહ્યું ત્યારે તે એકદમ ઉશ્કેરાઈ ગયા હતો અને કારમાંથી નીચે ઊતરીને પોલીસ કર્મચારીઓ સાથે બોલાચાલી કરવા લાગ્યો હતો. તેણે કહ્યું કે તમે ખોટે ખોટા લોકોને હેરાન કરો છો, ખોટો દંડ ઉઘરાવો છો, જોરજોરથી બૂમો પાડીને લોકોને ભેગા કરીને તેણે હું દંડ નહીં ભરું તેમ કહીને પોલીસ કર્મચારી સાથે ઝપાઝપી કરી હતી.    
 
આ કાર ચાલક રકઝક કરતો હતો તે સમયે પોલીસે તેને રકઝક કરવાની ના પાડી હતી, તેમ છતાં તેણે રકઝક કરવાનું ચાલુ રાખતાં પોલીસ કર્મચારી તે યુવકને રામોલ પોલીસ સ્ટેશન લઇ આવ્યા હતા. કારચાલક દર્શન ઠાકોર પોલીસ કર્મચારી સાથે રકઝક કરતો હોવાથી રામોલ પોલીસે તેની સામે સરકારી ફરજમાં અડચણરૂપ બન્યાનો ગુનો નોંધી તપાસ હાથ ધરી છે.