અમદાવાદમાં કરોડોના ખર્ચે બનેલા સ્પોર્ટ્સ સંકુલ જાણે કે શોભાના ગાંઠિયા સમાન બની ગયા હોય તેવું લાગી રહ્યું છે.
અમદાવાદમાં સ્પોર્ટ્સ સંકુલ બન્યા શોભાના ગાંઠિયા સમાન
રિવરફ્રન્ટ NID પાસે બનાવાયું છે અદ્યતન સ્પોર્ટ્સ કોમ્પલેક્ષ
ટેન્ડર પ્રક્રિયામાં સંકુલનું સંચાલન કરવા નથી આવતી કોઈ એજન્સી
અમદાવાદમાં કોર્પોરેશન દ્વારા શહેરના સાબરમતી રિવરફ્રન્ટ ખાતે કરોડોના ખર્ચે સ્પોર્ટસ કોમ્પલેક્ષ બનાવવામાં આવ્યા છે પરંતુ કોર્પોરેશનને જાણ કે નાગરિકોને અર્પણ કરવાનો સમય ન હોવાથી કરોડોની કિંમતના કસરતના સાધનો ધૂળ ખાઇ રહ્યાં છે. રિવરફ્રન્ટ NID પાસે તૈયાર કરાયેલ અદ્યતન સ્પોર્ટ્સ કોમ્પલેક્ષ શોભાના ગાંઠિયા સમાન બની ગયા છે.
સ્પોર્ટ્સ સંકુલ 6 મહિનાથી તૈયાર છતાં તેનું લોકાર્પણ નથી કરાયું
કરોડોના ખર્ચે બનેલું સ્પોર્ટ્સ સંકુલ 6 મહિનાથી તૈયાર હોવા છતાં તેનું લોકાર્પણ નથી કરવામાં આવ્યું. AMC દ્વારા રૂપિયા 26 કરોડના ખર્ચે રિવરફ્રન્ટ NID પાસે અદ્યતન સ્પોર્ટ્સ કોમ્પલેક્ષ બનાવવામાં આવ્યું છે. ટેન્ડર પ્રક્રિયામાં સંકુલનું સંચાલન કરવા કોઈ એજન્સી પણ નથી આવતી. કરોડોનો ખર્ચ કરવામાં આવ્યો હોવા છતાં નાગરિકોને તેનો લાભ નથી મળતો.
તમને જણાવી દઇએ કે, સંકુલમાં સુવિધાની જો વાત કરીએ તો સંકુલમાં ચાર ક્રિકેટ પીચ બનાવવામાં આવી છે. આ ઉપરાંત ટેનિસ કોર્ટ, જિમ તથા 800મીટરનો જોગિંગ ટ્રેક બનાવવામાં આવ્યો છે. પરંતુ છેલ્લાં 6 મહિનાથી સ્પોર્ટ્સ સંકુલ બનીને તૈયાર થઇ ગયો હોવા છતાં તેનું લોકાર્પણ ન કરવામાં આવતા શહેરના નાગરિકો સુવિધાથી વંચિત જોવા મળી રહ્યાં છે.
AMCએ રૂપિયા 26 કરોડના ખર્ચે સ્પોર્ટ્સ કોમ્પલેક્ષ બનાવ્યું છે
સ્પોર્ટ્સ સંકુલમાં પશ્ચિમકાંઠે 37000 ચો.મીથી વધુ એરિયામાં ક્રિકેટ પીચ, ટેનિસ કોર્ટ, ટેબલ ટેનિસ કોર્ટ અને જોગિંગ ટ્રેક તૈયાર કરવામાં આવ્યા છે. પૂર્વ કાંઠે 7500 ચો,મી વિસ્તારમાં પ જેટલા ક્રિકેટ ગ્રાઉન્ડ, વોલીબોલ મેદાન,જોગિંગ ટ્રેક તથા ચિલ્ડ્રન એરિયા તૈયાર કરવામાં આવ્યો છે. પરંતુ છેલ્લાં 6 મહિનાથી સ્પોર્ટ્સ સંકુલ બનીને તૈયાર થઇ ગયો હોવા છતાં તેનું લોકાર્પણ ન કરવામાં આવતા શહેરના નાગરિકો સુવિધાથી વંચિત જોવા મળી રહ્યાં છે.