અમદાવાદની સ્કૂલો RTEમાં બોગસ એડમિશન લેનારા વિદ્યાર્થીઓ પાસેથી ફીની ઉઘરાણી કરી પોતાની તિજોરી ભરી રહી છે.
Share
અમદાવાદની સ્કૂલો RTEના બોગસ એડમિશનનો લઇ રહી છે લાભ
બોગસ એડમિશન લેનારા પાસેથી પણ કરે છે ફીની વસૂલાત
RTE હેઠળ ખોટા દસ્તાવેજો ઊભા કરી લેવાઈ રહ્યાં છે એડમિશન
દર વર્ષની જેમ આ વર્ષે પણ અમદાવાદની ખાનગી સ્કૂલોમાં RTE અંતર્ગત એડમિશનમાં ગોલમાલ જોવા મળી છે. અમદાવાદની સ્કૂલો RTEમાં બોગસ એડમિશન લેનારા વિદ્યાર્થીઓ પાસેથી ફીની ઉઘરાણી કરી પોતાની તિજોરી ભરી રહી છે. બોગસ એડમિશન અંગે સ્કૂલોએ DEOને જાણ કરવાની હોય છે, પરંતુ સ્કૂલો DEOને જાણ કર્યા વિના બોગસ એડમિશનનો ફાયદો ઉઠાવી રહી છે. જેને લઇને ચાલુ વર્ષે બોગસ એડમિશનની એક પણ ફરિયાદ DEOને મળી નથી.
બીજી બાજુ તાજેતરમાં સુરતમાં વાલીઓએ ખોટી રીતે એડમિશન લેવાનું ટાળ્યું હતું
જો કે, બીજી બાજુ તાજેતરમાં જ સુરતમાં RTE અંતર્ગત ખોટી રીતે પ્રવેશ લેનારા 188 વાલીઓએ શાળામાં પ્રવેશ ન હોતો લીધો. કારણ કે શાળાઓએ FIR કરવાની ચીમકી આપતાં વાલીઓએ પ્રવેશ લેવાનું ટાળ્યું હતું. બીજા રાઉન્ડમાં પ્રવેશ મળ્યો હોવા છતાં વાલીઓએ શાળામાં પ્રવેશ ન હોતો લીધો. RTEના બીજા રાઉન્ડમાં 744 બાળકોને પ્રવેશ ફાળવાયો હતો. નોંધનીય છે કે, RTE અંતર્ગત ખોટી રીતે એડમિશન લેતાં હોવાનું સામે આવ્યું હતું. પરંતુ ખાનગી શાળાઓએ આ વખતે કાર્યવાહીની ચીમકી આપી હતી.
અગાઉ VTVના સ્ટિંગ ઓપરેશનમાં થયો હતો મોટો ખુલાસો
પૈસાદાર વાલીઓએ સંતાનોના ખોટી રીતે RTE હેઠળ એડમિશન કર્યાનો થયો હતો ખુલાસો
ઉલ્લેખનીય છે કે, તાજેતરમાં જ રાઇટ ટુ એજ્યુકેશન (RTE) અંતર્ગત ખોટા દસ્તાવેજોના આધારે સ્કૂલમાં પ્રવેશ મેળવનાર પૈસાદાર વાલીઓના બોગસ એડમિશનની VTVએ પોલ ખોલી દીધી. VTVના સ્ટિંગ ઓપરેશનમાં રાઇટ ટુ એજ્યુકેશન (RTE) અંતર્ગત ખોટા દસ્તાવેજોના આધારે સ્કૂલમાં પ્રવેશ મેળવ્યો હોવાનો ચોંકાવનારો ખુલાસો થયો હતો. VTVએ અમદાવાદની શાળાઓમાં RTE અંતર્ગત ખોટા એડમિશન મેળવ્યા મામલે મેગા ઓપરેશન હાથ ધર્યું હતું. જેમાં VTVની ટીમે અનેક બોગસ એડમિશનની પોલ ખોલી દીધી હતી. આ સ્ટિંગ ઓપરેશનમાં 'ભણતરમાં કોઈ ભાગ હોતો નથી' તે કહેવત ખોટી સાબિત થઈ છે.
કેવી રીતે થયો હતો ખુલાસો?
અમારી ટીમે અને અલગ અલગ સ્કૂલો પર RTE અંતર્ગત અપાતા ડોક્યુમેન્ટની ચકાસણી કરી હતી. તે તપાસ કર્યા બાદ અનેક લોકોએ ખોટા દસ્તાવેજ રજૂ કરી એડમિશન લીધા હોવાનું બહાર આવ્યું હતું.અમારી ટીમે ડોક્યુમેન્ટ વેરીફાઈ કરીને તે વાલીઓનો સંપર્ક કર્યો અને ખોટા એડમિશન લીધા હોવાનું બહાર આવ્યું હતું.આ તમામ લોકોનું RTE ફોર્મ અને આવકના સ્ત્રોતની સરખામણી કરતા પોલ બહાર આવી હતી.
