મુંબઈથી ગુજરાતમાં પ્રવેશતા કે ગુજરાતથી બહાર જતા વાહનોમાં ચોરી કે લૂંટની ઘટનાને વલસાડના ડુંગરી પાસે જ લૂંટી લેવામાં આવે છે .અથવા તો મસમોટી ચોરીની ઘટનાને પણ ડુંગરી પાસે જ અંજામ અપાતો હોય તેવી ઘટના પ્રકાશમાં આવી છે. હજુ બે -ત્રણ દિવસ પહેલા જ મુંબઈથી ગુજરાત આવતા એક માલવાહક ટ્રકમાંથી અંદાજીત સવા કરોડની કિમતની સિગારેટના બોક્સ વલસાડના ડુંગરી પાસે ચોરી થઇ ગયા હતા. આ મોટી ચોરીની ઘટનાની શાહી પણ હજુ સુકાઈ નથી ત્યાં જ ડુંગરી પાસે વધુ એક લૂંટની ઘટનાને અંજામ અપાયો છે.
વલસાડના ડુંગરી પાસે આંતરી ટ્રક
અમદાવાદ- ધોળકા રોડ પર આવેલા બદરખા ગામ પાસેના હાઇવે પર ફિલ્મી ઢબે એક લૂંટની ઘટનાને અંજામ આપવામાં આવ્યો હતો જેમાં 6 જેટલા આરોપીઓએ ફિલ્મી સ્ટાઈલથી એક ટ્રકનો પીછો કરી લૂંટારું ટોળકીએ ટ્રકને ઓવરટેક કરી ટ્રકના ડ્રાઈવરનું અપહરણ કરી વલસાડના ડુંગરી ખાતે બંધક બનાવી દીધો હતો અને ટ્રકમાથી જાણીતી કંપનીના ગુટખાના જથ્થો અને ટ્રક સહિત 35 લાખની લૂંટ કરી હતી જેને લઈને ધોળકા પોલીસે ધાડ અને અપહરણનો ગુનો નોંધ્યો હતો. આ ધાડની તપાસમાં ગ્રામ્ય LCB એ જુદી જુદી ટિમો બનાવી હતી.. જેમાં બાતમી મળી કે આરોપીઓ લૂંટના ટ્રક સાથે અમદાવાદ વડોદરા હાઇવેથી પસાર થવાના છે.જે બાતમીના આધારે વોચ ગોઠવીને 4 આરોપીની ધરપકડ કરીને લૂંટનો 18 લાખનો મુદ્દામાલ જપ્ત કર્યો છે .
ફિલ્મી ઢબે રચ્યો લૂંટનો કારસો
સમગ્ર લૂંટ ગુનામાં સાંડોવાયેલ મુખ્ય આરોપી નદીમમિયા શેખ જે મૂળ અમદાવાદના વટવા વિસ્તારનો રહેવાસી છે અને તે પોતે વિમલ કંપનીમાં ડ્રાઈવર તરીકે નોકરી પણ કરે છે આ આરોપી એ પોતાના મિત્રો સલમાન શેખ, ઉત્તરપ્રદેશના સમસાદ હુસેન રહેમાંની અને અખ્તર મેમણ સાથે મળીને લૂંટનું કાવતરું રચ્યું હતું.અને ટ્રકના ડ્રાઇવરનું અપહરણ કરીને ધાડ કરી આરોપીઓએ ધાડ માટે ફિલ્મી પ્લોટ બનાવ્યો હોવાનો તપાસ માં ખુલાસો થયો.
LCBની ટીમે ફરાર આરોપીની શોધખોળ શરૂ કરી છે. આ ઉપરાંત આરોપીઓએ પાન મસાલાનો મુદ્દામાલ કેટલાક વેપારીઓને સસ્તા ભાવમાં વેચી દીધો હોવાનું ખુલતા વેપારીઓ વિરુદ્ધ પણ કાર્યવાહી શરૂ કરી છે..