અભિયાન / મહિલાઓ વિરુદ્ધ સાયબર ક્રાઇમ રોકવા માટે અમદાવાદ પોલીસનો નવતર પ્રયોગ, શરુ કર્યુ 'સાયબર સેફ ગર્લ અભિયાન'

• સાયબર ક્રાઇમ રોકવા અમદાવાદ પોલીસનો નવતર પ્રયોગ
• સોશિયલ મીડિયામાં શરુ કર્યુ સાયબર સેફ ગર્લ અભિયાન
• વિવિધ ચિત્રો થકી કરવામાં આવી રહી છે મહિલાઓને જાગૃત

છેલ્લાં કેટલાંક વર્ષોમાં સાયબર ગુનાઓમાં વધારો થયો છે. જેમાં મહિલાઓ અથવા યુવતીઓનો પીછો કરવો, ઓનલાઈન દુર્વ્યવહાર, બદનક્ષી, યૌન કૃત્યો, બેન્ક છેતરપિંડી, ચાઈલ્ડ પોર્નોગ્રાફી, ઓનલાઈન ગેમિંગ, અયોગ્ય રીતે વીડિયો અથવા ફોટો મોર્ફ્ડનો સમાવેશ થાય છે. ડોક્ટરિંગ, વૈવાહિક વેબસાઇટ્સમાંથી વ્યક્તિગત માહિતીની ચોરી કરવી, તેમના ફોટા અથવા વીડિયો ચોરી છૂપીથી કેપ્ચર કરવા, અશ્લીલ ફોટા કાઢવા અને વિવિધ ચેટિંગ અને ડેટિંગ એપ્સ દ્વારા છેતરપિંડી કરવી, અન્ય સાયબર ગુનાઓના કિસ્સાઓ અગાઉ પોલીસ ચોપડે નોંધાઈ ચુક્યા છે. ત્યારે હવે પોલીસ મહિલા અને યુવતીને સોશિયલ મીડિયા દ્વારા વિવિધ ચિત્રોથી જાગૃત કરી રહી છે.  અમદાવાદ પોલીસ દ્વારા સાયબર સેફ ગર્લ અભિયાન શરુ કરવામાં આવ્યું છે. 

#સાયબરસેફગર્લ ⤵️

૧૧. જોબ ફ્રોડ ⤵️

નોકરીઓ આપતી વેબસાઇટ્સની સત્યતા અને યોગ્યતા ચકાસવાની જરૂર છે. આ બાબતે તમારા ઇ-મેઇલ એકાઉન્ટન્ટમાં જ્યારે ઇ-મેઇલ આવે છે અને તમે તેના પર જવાબ આપો છો. અને તેના પર કાર્ય કરો છો તે પહેલાં ઇ-મેઇલને બેવાર તપાસવા અને તેની ચકાસણી કરવી જરૂરી છે pic.twitter.com/LA7fwyzqW0

— Ahmedabad Police 👮‍♀️અમદાવાદ પોલીસ (@AhmedabadPolice) May 7, 2022

સાયબર સેફ ગર્લ અભિયાનની શરુઆત

સમાજમાં મહિલાઓ પર થતી જાતીય તેમજ માનસિક સતામણી પર રોક લગાવવા અને આ અંગે લોકોમાં જાગૃતિ આવે તે માટે અમદાવાદ પોલીસે ‘સાયબર સેફ ગર્લ’ મૂવમેન્ટ શરૂ કરવામાં આવી છે. મહિલાઓ પોતાની જાતને સુરક્ષિત કેવી રીતે રાખી શકે તેમજ કોઇ પણ જાતની સતામણીથી કેવી રીતે બચી શકે તે માટે પોલીસે સોશિયલ મીડિયાનો સહારો લઇને ‘સેફ ગર્લ’ મૂવમેન્ટનું અભિયાન શરૂ કરી દીધું છે. કોઇ પણ મહિલા મોબાઇલ રિચાર્જ કરાવવા માટે જાય ત્યારે તેનો નંબર દુકાનદાર સુધી પહોંચી જતો હોય છે અને ત્યારબાદ મહિલાને પોતાની જાળમાં ફસાવવા માટે કેટલાક વિકૃત માનસિકતા ધરાવતા દુકાનદારનો અસલી ખેલ શરૂ થતો હોય છે. 

#સાયબરસેફગર્લ ⤵️

૯. પ્રોફાઇલ હેકિંગ ⤵️

મોટા ભાગે સાયબર સ્ટોકિંગ કરનાર વ્યક્તિ દ્વારા તમારા એકાઉન્ટ અથવા સોશિયલ નેટવર્કિંગ પ્રોફાઇલમાં લોગઇન કરવાની વિગત મેળવી લેવામાં આવે છે અને પછીથી તેનો અયોગ્ય રીતે ઉપયોગ કરવામાં આવે છે. ⤵️@sanghaviharsh @dgpgujarat @Cyberdost @InfoGujarat pic.twitter.com/l1FfdWTnJE

— Ahmedabad Police 👮‍♀️અમદાવાદ પોલીસ (@AhmedabadPolice) May 5, 2022

'દુકાનમાં મોબાઇલ રિચાર્જ કરવતી વખતે રાખો સાવધાની'

‘મેડમ રિચાર્જ થઇ ગયું છે, ખાલી કન્ફર્મ કરવા માટે ફોન કર્યો છે’ તેવાં બહાને દુકાનદાર મહિલાને ફોન કરે છે અને બાદમાં તેના વોટ્સએપ પર ચેટિંગ કરવાનું શરૂ કરી દે છે. જો કોઇ મહિલા ફોસલાઇ જાય તેવી હોય તો દુકાનદાર તેને પોતાની હવસનો શિકાર બનાવી દે છે. જો કોઇ મહિલા સ્ટ્રોંગ હોય તો દુકાનદાર વિરુદ્ધ લાલ આંખ કરે છે. મહિલા જાળમાં આસાનીથી ફસાઇ જાય તેવી હોય તો દુકાનદાર તેના મિત્રોને પણ મોબાઇલ નંબર આપી દેતા હોય છે. જ્યારે પણ મોબાઇલ ફોનનું રિચાર્જ કરાવવા માટે જાવ ત્યારે ખાસ ધ્યાન રાખવું કે દુકાનદાર તમારા મોબાઇલ નંબરનો દુરુપયોગ તો નહીં કરે ને. પોલીસે ‘સાયબર સેફ ગર્લ’માં આ મુદ્દો ટાંક્યો છે ત્યારે આ સિવાય બીજા પણ અનેક મુદ્દાઓને ટાંકીને મહિલાઓને જાગૃત રહેવા માટેની અપીલ કરી છે. 

#સાયબરસેફગર્લ

૧. મોબાઇલ રિચાર્જની દુકાન

મોબાઇલ રિચાર્જની દુકાન એક એવી જગ્યા છે, જ્યાં આરોપી તમારા મોબાઇલ નંબર અને તેનો કંટ્રોલ મેળવી શકે છે. #AhmedabadPolice @sanghaviharsh @dgpgujarat @AjayChoudharyIN @DrLavina_IPS @Sushil_IPS @DrKananDesai pic.twitter.com/dtD6lhhHQG

— Ahmedabad Police 👮‍♀️અમદાવાદ પોલીસ (@AhmedabadPolice) April 27, 2022