નવા મોટર વ્હિકલ એક્ટ અને નવા ટ્રાફિક દંડ બાદ ભારતનાં સૌથી વધુ દંડની રકમ સાથેનો કિસ્સો ધ્યાને આવ્યો છે. અમદાવાદ પોલીસે 2 કરોડની કિમતની લક્ઝુરિયસ પોર્શ 911ને 27 નવેમ્બર 2019ના રોજ ડિટેઈન કરી હતી. જે સંદર્ભે આજે અમદાવાદ પોલીસે 9 લાખ 80 હજાર રૂપિયામો દંડ ફટકાર્યો છે.
લકઝુરીયસ કારના ચાલક પાસેથી 9.80 લાખનો દંડ વસુલ કર્યો
કાર ચાલકને ભારતમાં સૌથી વધુ દંડ ફટકાર્યો હોવાનો પ્રથમ કિસ્સો
કારના કાગળ વેલીડ નથીઃ પોલીસ
અમદાવાદ શહેરમાં ટ્રાફિક પોલીસે લકઝુરીયસ કાર પર તવાઇ બોલાવી ખાસ અભિયાન અંતર્ગત શહેરના જુદા જુદા વિસ્તારોમાંથી લક્ઝુરીયસ કારોને ડિટેઈન કરી હતી. એટલું જ નહીં, શહેર ટ્રાફિક પોલીસે સપાટો બોલાવી એક લકઝુરીયસ કારના ચાલક પાસેથી 9.80 લાખનો દંડ વસુલ કર્યો છે.અને આ કાર ચાલકને અત્યાર સુધીનો ભારતમાં સૌથી વધુ દંડ ફટકાર્યો હોવાનો પ્રથમ કિસ્સો હશે.
અમદાવાદના હેલ્મેટ સર્કલ સહિતના વિવિધ વિસ્તારોમાં ટ્રાફિક ડ્રાઇવ અંતર્ગત નંબર પ્લેટ, સહિતના દસ્તાવેજો રજૂ ન કરી શકનાર ચાલકોની ગાડીઓ ડિટેઈન કરી લેવામાં આવી હતી. આ ડ્રાઇવમાં લાખો રૂપિયાની કિંમતની પોર્શે 911 પણ ઝપટમાં આવી ગઈ હતી.
During a routine checking in Ahmedabad West. Porsche 911 was caught by PSI MB Virja. The vehicle had No Number Plate and Valid Documents. Vehicle detained and slapped fine of Rs. 9 Lakh 80 Thousand (9,80,000 INR). #AhmedabadPolice#Rules4Allpic.twitter.com/runtd5k8dX
પોલીસે સોશિયલ મીડિયામાં આ માહિતી પણ આપી હતી. પોલીસે ડ્રાઇવમાં લક્ઝુરિયસ કાર પોર્શ 911 મોડલની કારની કિંમત 2.18 કરોડ 27 નવેમ્બરે જરૂરી કાગળ અને નંબર પ્લેટ ન હોવાથી કાર ડિટેઈન કરાઈ હતી અને 9.80 લાખનો દંડ ફટકાર્યો છે. પોલીસે જણાવ્યું હતું કે, કારના કાગળ વેલીડ નથી. તેમજ કારની આગળ પાછળ નંબર પ્લેટ નથી. આ કલમ લગાવીને દંડ વસુલ કર્યો હતો.
આ અગાઉ મર્સિડીઝ, રેંજ રોવર તેમજ ફોર્ચ્યુનર જેવી મોંઘીદાટ અને વૈભવી કારને ડિટેઈન કરી હતી. અમદાવાદ પોલીસે આ કાર્યવાહીની માહિતી તેના ટ્વિટર તેમજ ફેસબુક પર અમદાવાદ પોલીસ એકાઉન્ટ પર આપી હતી. પોલીસે આ સાથે સંદેશો આપ્યો હતો.