અમદાવાદના સનાથલ રિંગરોડ પર આવેલા પટેલ ટુર્સ એન્ડ ટ્રાવેલ્સના ગોડાઉનમાં ભીષણ આગ લાગી હતી. જેમાં 8 જેટલી બસોમાં આગ લાગી હતી.
ટુર્સ એન્ડ ટ્રાવેલ્સના પાર્કિંગમાં આગ
આગથી 8 જેટલી બળીને ખાક
6 જેટલી ફાયર ફાઈટરની ટીમ ઘટના સ્થળે
અમદાવાદમાં થોડા દિવસ અગાઉ ગોતા નજીક પાર્કિંગ પ્લોટમાં આગ લાગતા મોટી સંખ્યામાં ટુ-વ્હીલર બળીને ખાક થયા હતા. ત્યારે આજે અમદાવાદમાં ફરી મોટી આગની ઘટના બની હતી. શહેરના સનાથલ સર્કલ નજીક પટેલ ટ્રાવેલ્સના પાર્કિંગમાં ઉભેલી બસોમાં અચાનક આગ ફાટી નીકળી હતી. પાર્કિંગમાં 8 જેટલી લક્ઝરી બસ પાર્ક કરેલી હતી. આ તમામ બસોમાં આગ પ્રસરી ગઈ હતી. 5 બસો બળીને ખાક થઇ ગઇ છે. આગ લાગતા ધુમાડાના ગોટે ગોટા છવાઇ ગયા હતા.
આગ લાગતા અફરા તફરી મચી ગઇ હતી. આગની ઘટના બનતા સ્થાનિક ફાયર સ્ટેશનમાં જાણ કરવામાં આવી હતી. જ્યારબાદ ફાયર ફાયટરોની 9 ટીમ તાત્કાલિક ઘટનાસ્થળે પહોંચી ગઇ હતી. ભારે જહેમત બાદ આગ કાબુમાં આવી ગઈ છે. જોકે આ ઘટનામાં માલહાની થઇ છે પરંતુ કોઇ જાનહાની થઇ નથી.
પ્રાથમિક અંદાજ અનુસાર, વર્કશોપમાં વેલ્ડીંગ કામ દરમિયાન આ ઘટના બની હોવાની શક્યતા છે.