ગરબડ / છબરડો: ધોરણ 7ના પાઠ્યપુસ્તકમાં થયેલી ભૂલ સુધારવા આદેશ, ભૂલ સુધારવાનો ખર્ચ કોણ ભોગવશે?

• ધો-7ના પુસ્તકમાં થયેલી ભૂલને સુધારવા કરાયો આદેશ
• સરિતા ગાયકવાડની જગ્યાએ વનિતા ગાયકવાડ છપાયું હતું
• પાઠ્યપુસ્તક મંડળ દ્વારા તમામ DPEOને  ભુલને સુધારવા માટે કરાયો આદેશ

અમદાવાદ ધોરણ 7ના પુસ્તકમાં છબર઼ડાને સુધારવા આદેશ કરાયો છે. ધોરણ 7ના પુસ્તકમાં સરિતા ગાયકવાડના જગ્યા વનિતા ગાયકવાડ છપાયું હતું. સમગ્ર ભુલને સુધારવા માટે 
પાઠ્યપુસ્તક મંડળ દ્વારા તમામ DPEOને  આદેશ કરાયો છે.

આ નામ બદલવા માટેનો ખર્ચ કોણ ભોગવશે?

સરકારી ભૂલોને છાવરવા થતા ખર્ચા કોણ ભોગવશેથી લઈને આવી ભૂલો કરનારને શું સજા મળશે તે તમામ સવાલો ઉઠી રહ્યા છે. 

કોણ છે સરીતા ગાયકવાડ?

ગોલ્ડન ગર્લ સરીતા ગાયકવાડ જ્યાંથી આવે છે ત્યાંથી ઓલિમિપિકમાં પહોંચવું અને જીતવું લગભગ અશ્કય છે પણ તે જ સાચા રમતવીર જે અશક્યને શક્ય કરી બતાવે. સરીતા ડાંગ પાસેના આહવા નજીક કરાડી આંબા નામના ગામની વતની. આખા ગામમાં માંડ 45 ઘર. આખા ગામનો એક જ વ્યવસાય અને તે એટલે ખેતી. પણ સરીતાએ અશ્કયને શક્ય કરી બતાવ્યુ અને ગોલ્ડ મેડલ અપાવ્યો. 

2012માં ખેલ મહાકૂંભ માટેની એન્ટ્રી લેવાતી હતી ત્યારે કોઈ શાળા કે અન્ય સંસ્થાના પ્રતિનિધિત્વ વિના ખેલાડી સીધે સીધા જ ભાગ લઈ શકતા હતા જેનો લાભ લઈને સરીતાએ એક સાથે પાંચ ઇવેન્ટમાં એન્ટ્રી લીધી. અને પાંચેય ઇવેન્ટ જીતી લીધી. 2017માં તો તે આંધ્ર પ્રદેશમાં નેશનલ ઇન્ટર સ્ટેટ સિનિયર એથ્લેટિક્સ ચેમ્પિયનશિપમાં ભાગ લેવા પહોંચી ગઈ. જે સરીતા કરાડી આંબાથી આહવા સુધી જઈ શકતી ન હતી તે આંધ્ર પ્રદેશમાં 400 મીટરમાં બ્રોન્ઝ મેડલ જીતી ગઈ.
 
ડાંગ જિલ્લાની આદિવાસી છોકરી પોતાની નૈસર્ગિક પ્રતિભાથી ગુજરાત નહીં પણ ભારતની આશા બની ગઈ કેમ કે હવે વર્લ્ડ ઇવેન્ટમાં તે ભારત માટે રમતી થઈ ગઈ છે અને દેશને ગોલ્ડ મેડલ અપાવી રહી છે. પ્રારંભમાં તે 400 મીટરનું અંતર એક મિનિટમાં પૂર્ણ કરતી હતી પરંતુ હવે તે એક મિનિટ કરતાં ઓછા સમયમાં 400 મીટર પાર કરી લે છે. જાકાર્તામાં ભારતે ત્રણ મિનિટ 28.72 સેકન્ડમાં અંતર પૂર્ણ કરીને ગોલ્ડ મેડલ જીત્યો હતો.