મહામારી / અમદાવાદમાં કોરોના જબરો વકર્યો,એકસાથે 12 વિસ્તારોને મૂકી દેવાયા માઇક્રોકન્ટેઈન્મેન્ટ ઝોનમાં, જાણો કયા કયા

• અમદાવાદમાં કોરોનાનો પ્રભાવ યથાવત
• શહેરમાં કુલ 171 સ્થળ માઈક્રો કન્ટેઈન્મેન્ટ
• આરોગ્ય વિભાગ ડોર ટુ ડોર સર્વેલન્સ કરશે

હાલમાં શહેરમાં કુલ 171 માઈક્રો કન્ટેઈન્મેન્ટ ઝોન અમલમાં છે.

ત્યારે #COVID19 સંક્રમણ અટકાવવા અ.મ્યુ.કો. દ્વારા આજે જાહેર કરાયેલા નવા કુલ 12 તેમજ દૂર કરવામાં આવેલ 29 માઈક્રો કન્ટેઈન્મેન્ટ ઝોનની યાદી. pic.twitter.com/av016voKL4

— Amdavad Municipal Corporation (@AmdavadAMC) January 26, 2022

અમદાવાદમાં કુલ 171 માઇક્રો કન્ટેઈન્મેન્ટ વિસ્તાર

અમદાવાદમાં કોરોનાના નવા કેસની સાથે માઇક્રો કન્ટેઈન્મેન્ટ વિસ્તારમાં સતત વધારો થઈ રહ્યો છે. અમદાવાદ મહાનગર પાલિકાએ આપેલી માહિતી પ્રમાણે શહેરમાં આજે 12 નવા માઈક્રો કન્ટેઈન્ટમેન્ટ વિસ્તાર સામેલ થયા છે. જ્યારે 29 વિસ્તારને દૂર કરાયા છે. આમ શહેરમાં માઈક્રો કન્ટેઈન્મેન્ટ વિસ્તારની સંખ્યા 171 થઈ ગઈ છે. 

અમદાવાદમાં છેલ્લા 24 કલાક નવા 6191 કેસ સામે આવ્યા છે.

અમદાવાદ શહેરમાં ફરી કોરોનાએ કહેર મચાવ્યો છે. ગુજરાતના 50 ટકા જેટલા કેસ આ શહેરમાં જ નોંધાય રહ્યાં છે. અમદાવાદમાં છેલ્લા 24 કલાક દરમિયાન કોરોના સંક્રમણના 6191 નવા કેસ સામે આવ્યા છે. આ દરમિયાન 3232 લોકો સાજા પણ થયા છે. અમદાવાદ શહેરમાં અત્યાર સુધી કોરોનાના 2.60 લાખ કેસ સામે આવ્યા છે. તો કોરોનાને લીધે 3400 થી વધુ લોકોના મૃત્યુ નોંધાયા છે. 

આરોગ્ય વિભાગ ડોર ટુ ડોર સર્વેલન્સની કામગીરી હાથ ધરશે

અમદાવાદમાં કોરોનાનું સંક્રમણ વધવાના કારણે આરોગ્યતંત્ર હરકતમાં  આવતાની સાથે શહેરમાં ડોર ટુ ડોર સર્વેલન્સની કામગીરી હાથ ધરશે. તેમજ સર્વેલન્સ દરમિયાન શંકાસ્પદ લક્ષણો જણાશે તેવા લોકોના સેમ્પલ લેવામાં આવશે