અમદાવાદ: કોંગ્રેસના પાટીદાર ધારાસભ્યોએ હાર્દિક પટેલના ઘરે કરી ગુફતગુ

અમદાવાદ: કોંગ્રેસના પાટીદાર ધારાસભ્યોએ હાર્દિક પટેલના ઘરે બેઠક કરી હતી જેમાં હાર્દિક પટેલના ઉપવાસ આંદોલનને સમર્થન મુદ્દે ચર્ચા કરવામાં આવી હતી. બેઠક બાદ કોંગ્રેસના પાટીદાર ધારાસભ્યોએ આંદોલનને સમર્થન જાહેર કર્યું છે. 

આ બેઠકમાં આંદોલનની રણનીતિ અને પરવાનગી મુદ્દે ચર્ચા કરવામાં આવી હતી. બેઠક બાદ લલિત વસોયાએ આરોપ લગાવ્યો હતો કે સરકાર હાર્દિકના આંદોલનથી ડરે છે. હાર્દિક સમાજ માટે આંદોલન ચલાવી રહ્યો છે તેથી તેની ખેડૂતોના દેવા માફી અને અનામતની માગને સમર્થન આપીએ છીએ.