તપાસ / કિશન ભરવાડ હત્યા કેસમાં મોટો ધડાકો : ગુજરાત ATSને આરોપી મૌલવી ઐયુબના ઘરમાંથી એરગન મળતા ખળભળાટ

• ધંધુકામાં કિશન ભરવાડની હત્યાનો મામલો
• હત્યા મામલે ATSએ તપાસ કરી તેજ
• મૌલાના ઐયુબના ઘરમાંથી એરગન મળી

હત્યા મામલે ATSએ તપાસ કરી તેજ

ધંધુકા ફાયરિંગ વીથ મર્ડર કેસમાં રોજ અનેક ખુલાસો થઈ રહ્યા છે. ઉલ્લેખનીય છે કે, આ કેસની તપાસ સરકારે ગુજરાત ATSને સોંપવામાં આવી છે. ત્યાકે ગુજરાત ATSએ ગઈકાલે  આરોપીને સાથે રાખીને તપાસ કરી હતી. જેમાં એક મોટો ધડાકો થયો છે. આરોપી મૌલવી ઐયુબના ઘર અને મદરેસામાં તપાસ કરવામાં આવી હતી. જ્યાંથી એર ગન અને જજબા-એ-શાહદત નામનું પુસ્તક મળી આવતા ખળભળાટ મચ્યો છે. મહત્વનું છે કે, ધંધુકા ફાયરિંગ વીથ મર્ડર કેસમાં ઝડપાયેલા પાંચ આરોપીઓ સામે ગુજસીટોકનો ગુનો દાખલ કરાશે. તેની સાથે UAPA એક્ટ હેઠળ કાર્યવાહી થઇ શકે છે

ભાવનગરના ઢસાથી વધુ એક આરોપીની ધરપકડ

કિશન ભરવાડ હત્યા કેસમાં દિવસને દિવસે પોલીસ હત્યામાં સંડોવાયેલા આરોપીઓને ઝડપી રહી છે. ત્યારે આ કેસમાં વધુ એક આરોપીની ધરપકડ કરવામાં આવી છે. હત્યામાં સંડોવાયેલા વધું એક આરોપીની ભાવનગરના ઢસાથી ધરપકડ કરવામાં આવી છે.  

ભરવાડ સમાજના ગાદીપતિએ ગૃહરાજ્ય મંત્રી સાથે કરી મુલાકાત કરી 

ઉલ્લેખનીય છે કે,  કિશન હત્યા કેસ મામલે ભરવાડ સમાજ દ્વારા અનેક કાર્યક્રમો અને કલેકટરથી લઈ નેતાઓ સુધી રજૂઆતો કરવામાં આવી રહી છે ત્યારે ગઈકાલે  ભરવાડ સમાજના પ્રતિષ્ઠિત ગાદીપતિએ આગેવાનો સાથે હર્ષ સંઘવી સાથે ગાંધીનગરમાં મુલાકાત કરી હતી. આ બેઠકમાં મૃતક કિશન અને તેના પરિવારને ઝડપી ન્યાય મળે તેમજ આરોપીને વધુમાં વધુ કડક સજા થાય તે માટે તમામ આગેવાનો દ્વારા ગૃહમંત્રીને રજૂઆત કરવામાં આવી હતી.

શું હતી સમગ્ર ઘટના  ?

ધંધુકા ખાતે તાજેતરમાં  મોડી રાત્રે કિશન ભરવાડ નામનો યુવક જુના ઘર પાસેથી પસાર થતો હતો. ત્યારે બે અજાણ્યાં શખસોએ આવીને ફાયરિંગ કર્યું હતું. જેમાં એક મિસ ફાયર થયું હતું અને બીજી ગોળી વાગતા કિશનનું હોસ્પિટલમાં લઈ જતા જ મોત થયું હતું. ઘટનાને પગલે માલધારી સમાજમાં રોષ ફેલાયો હતો.