દુર્ઘટના / અમદાવાદમાં લાકડાની ફેક્ટરીમાં લાગી ભીષણ આગ, રાત્રે ભારે જહેમત બાદ મેળવાયો કાબુ

રાજ્યમાં ફેક્ટરીઓમાં આગની દુર્ઘટનાઓ છેલ્લા કેટલાક મહીનાઓમાં વધી રહી હોય તેવું જણાઈ રહ્યું છે. ગઈકાલે રાત્રે અમદાવાદમાં વધુ એક આગની ઘટના બની હતી. 

લાકડાની ફેક્ટરીમાં ભીષણ આગ 
ગઈકાલે રાત્રે નરોડા દહેગામ રોડ પર એક લાકડાની ફેક્ટરીમાં ભીષણ આગ લાગી હતી. .શિવ ટીમ્બર માર્ટ અને કે.એન પટેલ એન્ડ. કંપનીમાં આગ લગતા આસપાસના લોકો ફફડી ગયા હતા. સૌથી પહેલા એ જ તપાસ કરવામાં આવી હતી કે અંદર ફેક્ટરીમાં કોઈ છે કે નહીં. જેથી કરીને જાનહાનિ થતી અટકાવી શકાય. 

ભારે જહેમત બાદ મેળવાયો કાબૂ 
આગના સમાચાર મળતા જ ફાયર વિભાગને જાણ કરવામાં આવી હતી. બાદમાં ફાયર વિભાગના વોટર ટેન્કર અને બ્રાઉઝર સહિત 14 વાહનો ઘટનાસ્થળે પહોંચ્યા હતા. અને આગને કાબુમાં લેવાના પ્રયત્નો શરૂ કર્યા હતા. આખરે ભારે જહેમત બાદ આગને કંટ્રોલ કરી શકાઈ હતી. 

રાત્રે ભારે જહેમત બાદ આગ પર કાબુ મેળવાયો હતો. 
લાકડાની ફેક્ટરી હોવાથી સ્વાભાવિક રીતે જ ભીષણ આગ લાગી ગઈ હતી. તેમ છતાં કોઇ જાનહાની થઈ નહીં હોવાનું જાણવા મળ્યું હતું. બાદમાં આગનું કારણ જાણવા ફાયર વિભાગે તપાસ શરૂ કરી હતી.