કોરોનાકાળ દરમિયાન દિવાળીમાં ખરીદી કરવાને લઇને લોકોની ભીડ જોવા મળી હતી, જેને લઇને તહેવાર બાદ કોરોના સંક્રમિતોનો આંકડો સતત રાજ્યમાં વધતો ગયેલો જોવા મળ્યો હતો. ત્યારે રાજ્યમાં ફરી ઉત્તરાયણ પર્વને લઇને પતંગ-દોરીની ખરીદી કરવા લોકોના ટોળા જોવા મળી રહ્યાં છે.
અમદાવાદમાં ફરી ભૂતકાળની ઘટનાનું થયું પુનરાવર્તન
સૌથી મોટા રાયપુર માર્કેટમાં લોકોના ટોળેટોળા ઉમટ્યા
એકવાર ફરી જનતાની ભૂલ પડી શકે છે ભારે
દિવાળીના તહેવાર બાદ અમદાવાદમાં ફરી ભૂતકાળની ઘટનાનું પુનરાવર્તન જોવા મળી રહ્યું છે. એકવાર ફરી જનતાની ભૂલ ભારે પડી શકે છે. પતંગના સૌથી મોટા રાયપુર માર્કેટમાં લોકોના ટોળેટોળા ઉમટયાં જોવા મળ્યાં હતા.
ઉત્તરાયણના પર્વ નિમિત્તે એકવાર ફરી જનતાની ભૂલ ભારે પડી શકે છે. જનતાની બેદરકારી કોરોનાને આમંત્રણ આપી રહી છે. બિન્દાસ્ત પતંગ રસિયાઓ ખરીદીમાં મસ્ત જોવા મળ્યાં.
હાઇકોર્ટમાં સરકારની બાંહેધરી બાદના આ દ્રશ્યો સામે આવ્યાં છે. રાજય સરકારે હાલમાં જ હાઇકોર્ટમાં ભીડ થશે તો પોલીસ કાર્યવાહીની બાહેંધરી આપી છે. ત્યારે રાયપુરમાં આવેલા પતંગ બજારમાં લોકો સોશિયલ ડિસ્ટન્સિંગના ધજાગરા ઉડતા જોવા મળ્યાં.
ઉત્તરાયણ પહેલાના અંતિમ રવિવારે ખરીદી માટે લોકોની ભીડ જોવા મળી. પતંગ બજારમાં સામાજિક અંતરના ધજાગરા ઉડતા જોવા મળ્યાં. દિવાળી સમયે થયેલી માર્કેટની ભીડ સમાન ફરી ભૂલનું પુનરાવર્તન જોવા મળ્યું.