જુનિયર તબીબોની હડતાળને પગલે અમદાવાદ સિવિલ હોસ્પિટલ તંત્ર દ્વારા ડેપ્યુટેશન પર 125 તબીબો બોલવામાં આવ્યા છે.
સિવિલના ડૉક્ટર્સની 7માં દિવસે હડતાળ યથાવત્
ડેપ્યુટેશન પર 125 તબીબ બોલાવ્યા
હડતાળને કારણે 50 ટકા સર્જરી ઓછી થઇ
રાજ્યની 6 સરકારી કોલેજના જુનિયર તબીબો છેલ્લા 7 દિવસથી હડતાળ પર ઉતાર્યા છે. એક વર્ષના બોન્ડ અને સિનયર રેસિડેન્ટનો દરજ્જો આપવા સહિતની માંગ સાથે તબીબોએ હડતાળનો માર્ગ અપનાવતા અમદાવાદ સિવિલ હોસ્પિટલના દર્દીઓને હાલાકીનો કોઇ પાર નથી. આરોગ્ય સેવા ખોરંભાઈ છે. એટલું જ નહી ડૉક્ટર્સની હડતાળને પગલે અડધો અડધ સર્જરી ઓછી થઇ છે. જેથી હડતાળમાં જોડાનારા તમામ તબીબોને હોસ્ટેલ ખાલી કરવાનો આદેશ અપાયા બાદ સરકાર એક્શનમાં આવી છે અને ડેપ્યુટેશન પર 125 તબીબો બોલાવવામાં આવ્યા હોવાનું સામે આવ્યું છે.
સિવિલ હોસ્પિટલ તંત્ર દ્વારા ડેપ્યુટેશન પર 125 તબીબોને બોલાવી લેવાયા
સિવિલ હોસ્પિટલમાં બી જે મેડિકલ કોલેજના જુનિયર તબીબોની હડતાળને કારણે દર્દીઓની હાલાકી વધી છે. હડતાળને પગલે આરોગ્ય સેવા ખોરવાઇ હોવાથી સારવાર માટે દૂર-દૂરથી આવતા દર-દર ભટકી રહ્યા છે અને સેવા ન મળતા દર્દીઓને ધરમના ધક્કા થઇ રહ્યા છે. બીજી તરફ આ મામલે તંત્ર કે, તબીબો કોઇ નમતું જોખવા તૈયાર નથી. આ મડાગાંઠ ન ઉકેલાતા દર્દીઓનો મારો થયો છે. એટલું જ નહી હડતાળ પર ઉતરેલા તબીબો સામે તંત્રએં પણ આકરું વલણ અપનાવી 24 કલાકમાં હોસ્ટેલ ખાલી કરવા સૂચના આપવામાં આવી છે. છતાં પણ તબીબો પોતાની માંગને લઇને અડગ રહ્યા છે. વધુમાં સિવિલ હોસ્પિટલ તંત્ર દ્વારા ડેપ્યુટેશન પર 125 તબીબો બોલવામાં આવ્યા છે. નોંધનિય છે કે, અવારનવાર પોતાની માગને લઇ ડોકટરો હડતાળ પર ઉતરી રહ્યા છે પરંતુ અંતે દર્દીઓને જ ભોગવાનું આવી રહ્યું છે ત્યારે આ જુનિયર તબીબોની હડતાળ ક્યારે સમેટાસે અને દર્દીનો સારવાર ક્યારે મળશે તે જોવાનું રહ્યું.
સિવિલ હોસ્પિટલના અંદાજિત 1100 જેટલા તબીબો હડતાળ પર
ઉલ્લેખનીય છે કે, અમદાવાદની સિવિલ હોસ્પિટલમાં અંદાજિત 1100 જેટલા તબીબો હડતાળ પર ઉતર્યા છે. જો કે બીજી બાજુ રેસિડેન્ટ તબીબો હડતાળ પર ઉતરતા દર્દીઓ હેરાન-પરેશાન થઈ રહ્યાં છે. સરકાર અને તબીબોની લડાઈમાં દર્દીઓનો મરો છે. કારણ કે એક તરફ સરકાર માંગણીઓ સ્વીકારવા તૈયાર નથી તો બીજી બાજુ તબીબો પણ પોતાની હડતાળ સમેટવા તૈયાર નથી.નોંધનિય છે કે,જુનિયર તબીબોની હડતાળના સાત દિવસ થયા હોવા છતાં તંત્ર તરફથી રાહતનું તેડું આવ્યું નથી અને અસર સીધી દર્દીઓ પર જોવા મળી રહી છે.