ખાસમ 'ખાસ' / અમદાવાદમાં હવે હોટલમાં ખાવા જતા પહેલાં સાથે આ રાખજો, નહીંતર એન્ટ્રી જ નહીં મળે

• હોટેલ-રેસ્ટોરન્ટમાં પ્રવેશ માટે વેક્સન સર્ટી. ફરજીયાત
• આજથી એટલે કે 23 સપ્ટેમ્બરથી જ નિયમનું અમલીકરણ
• અમદાવાદ શહેર હોટલ અને રેસ્ટોરન્ટ એસો.નો નિર્ણય

જો વેક્સિન લીધી નહીં હોય તો હવેથી અમદાવાદની હોટેલ અને રેસ્ટોરન્ટમાં પ્રવેશ નહીં મળે. અમદાવાદ શહેર હોટલ અને રેસ્ટોરન્ટ એસોસિએશને આ મામલે નિર્ણય લીધો છે. અમદાવાદમાં કોઈપણ હોટેલ-રેસ્ટોરન્ટમાં પ્રવેશ મેળવતા સમયે વેક્સિન સર્ટિફિકેટ બતાવવાનું રહેશે.અમદાવાદ શહેર હોટલ અને રેસ્ટોરન્ટ એસોસિએશને જણાવ્યા મુજબ આ નિયમનું આજથી જ તમામ જગ્યાએ અમલીકરણ થઈ જશે. આ અગાઉ અમદાવાદ મહાનગર પાલિકાએ સરકારી કચેરીઓ, કાંકરિયા, લાયબ્રેરી, જીમનેશિયમ તેમજ AMTS-BRTSમાં પ્રવેશ માટે વેક્સિન સર્ટિફિકેટ ફરજીયાતનો નિયમ બનાવ્યો હતો.

આજથી એટલે કે 23 સપ્ટેમ્બરથી જ નિયમનું અમલીકરણ
ગુજરાતીઑ સહિત અમદાવાદીઑ ખાવાના ખૂબ શોખીન હોય છે એમાં પણ હોટેલમાં જઈ પરિવાર અને મિત્રો સાથે ખાવાનો ચટકો અને શોખ દરેક અમદાવાદી ધરાવે છે.એક તરફ દેશમાં પુરપાટ ઝડપે વૅક્સિનેશનનો કાર્યક્રમ ચાલી રહ્યો છે . રોજ રોજ લાખો વેક્સિનના ડોઝ અપાઈ રહ્યા છે. છતાંય હજુ પણ એવા ઘણા લોકોને જે કાંતો વેક્સિનથી ડરી રહ્યા છે, કોઈ શંકા છે અથવા તો એમ જ નથી લઈ રહ્યા, ગૃહમંત્રી અમિત શાહ પણ અમદાવાદના સુપર્ણ રસીકરણ થાય તે માટે સંબધિત અધિકારીઑને આદેશ આપી દીધો છે. AMC પણ યુદ્ધના ધોરણે કેમ્પો ગોઠવી વધુમાં વધુ લોકોને વેક્સિન મળે તેવા પ્રયાસો કરી રહી છે. ત્યારે AMC બાદ અમદાવાદ હોટેલ એસો.ની આજે મળેલી બેઠકમાં મોટો નિર્ણય લેવામાં આવ્યો છે. દરેક હોટેલ અને રેસ્ટોરન્ટમાં કોરોના વિરુદ્ધની રસી લીધેલી હોવાનું પ્રૂફ એટલે કે વેક્સિન સર્ટિફિકેટ વગર પ્રવેશની મનાઈ ફરવામાં આવી છે. આ નિર્ણયનો અમલ આજ થી એટલે કે  23 સપ્ટેમ્બરથી જ નિયમનું અમલીકરણ કરવામાં આવશે. આથી જો આજે હોટેલમાં પરિવાર કે મિત્રો સાથે ખાવા જવાનું વિચારી રહ્યા હોય તો તમામનું વેક્સિન સર્ટિફિકેટ ફરજિયાત લઈ જજો નહિતર ખાવા તો ઠીક હોટેલ કે રેસ્ટોરેન્ટમાં બેસવા પણ નહીં મળે.

કયા કયા જાહેર સ્થળો પર વૅક્સિનેશન સર્ટિ વગર પાબંધી
AMCના નિર્ણય મુજબ અમદાવાદ મહાનગર પાલિકા સંચાલિત તમામ જગ્યાએ રસીનું સર્ટિ ફરજિયાત કરી દેવાયું છે 20 સપ્ટેમ્બરથી AMTS-BRTS, કાંકરિયા લેક્ફ્રન્ટ, કાંકરિયા ઝુમાં પ્રવેશ પહેલા વેકસીનેશન સર્ટિ તપાસવામાં આવી રહ્યું છે. સાથે જ રિવરફ્રન્ટ, લાઈબ્રેરી, સ્વિમિંગ પુલ, જીમખાનામાં જે પણ AMC હસ્તક હશે ત્યાં સર્ટિ ફરજિયાત ચકાસવામાં આવી રહ્યું છે. સીટી સિવિલ સેન્ટર સહિતના બિલ્ડીંગમાં સર્ટી વગર એન્ટ્રી પર પાબંધી છે. જો તમે હવે વેક્સિન નહીં લીધી હોય તો AMC જાહેર સ્થળો પર કામકાજ માટે કે હરી ફરી નહી શકો અને સાથે જ અમદાવાદની હોટેલ અને રેસ્ટોરન્ટમાં પણ નો વેક્સિન નો એન્ટ્રીનો નિયમ લાગુ થઈ ગયો છે.

અમદાવાદમાં વૅક્સિનેશન સર્ટિ જરૂરી
અમદાવાદ મહાનગરપાલિકા દ્વારા એક કડક આદેશ પારિત કરવામાં આવ્યો છે. તે છે વેક્સિન વગરના લોકોને મહાનગરપાલિકાના પરિસર એટલે જાહેર સ્થળો પર રોક, 20 સપ્ટેમ્બરથી  આ નિર્ણય પર અમલવારી પણ શરૂ થઈ ચૂકી છે. મનપાના તમામ પરિસરોમાં મુલાકાતિઓનું કોરોના રસીનું સર્ટી ફરજિયાત કરી દેવામાં આવ્યું છે.રસીકરણના સર્ટી તપાસ્યા બાદ જ  પ્રવેશ મળશે તેવો ફરમાન જાહેર કરી દેવાયું છે. આખરે કેમ એએમસીએ આકારો નિર્ણય લેવો પડ્યો 70 લાખથી પણ વધુની વસ્તી ધરાવતા અમદાવાદ શહેરમાં જો રસી લીધેલા લોકોની સંખ્યા પર નજર કરીએ તો શહેરમાં અત્યાર સુધી 36.59 લાખ લોકોએ પહેલો ડોઝ લીધો છે. 16.44 લાખ શહેરના નાગરિકોએ રસીનો બીજો ડોઝ લીધો બાકીના ઘણખરા બાકી જ છે.ત્યારે આજે અમદાવાદ શહેર હોટલ અને રેસ્ટોરન્ટ એસો લીધેલા નિર્ણય બાદ હવે રસી ન લીધેલા લોકોને પણ બહાર જમવા જવા માટે રસી લેવી જ પડશે. આ નિર્ણયને અમદાવાદવાસીઓ આવકારી રહ્યા છે.