છેતરપિંડી / વિદેશ નોકરી કરવા જવાનું વિચારતા હોવ તો આ કિસ્સો વાંચી લેજો ક્યાંક તમારી સાથે આવું ન થાય

• વિદેશમાં નોકરીની લાલચમાં ગુમાવ્યા છ લાખ
• એકાઉન્ટન્ટના દીકરાને એરપોર્ટ પરથી જ પરત ફરવું પડ્યું 
• રૂ. રર૦૦ ડોલર પગાર આપવાની અપાઇ લાલચ 

ન્યુ રાણીપ વિસ્તારના આર્યવિલા ફ્લેટમાં રહેતા અલ્પેશભાઈ ઠક્કરે  પ્રિયમકુમાર મોદી સામે છેતરપિંડીની ફરિયાદ નોંધાવી છે. અલ્પેશભાઈ એકાઉન્ટની સાથે જીએસટીનું કામકાજ પણ કરતા હોવાથી પ્રિયમકુમાર મોદી સાથે સંપર્ક થયો હતો. પ્રિયમે અલ્પેશભાઈને કહ્યું મારો દીકરા વરુણે બીએસસી નર્સિંગ કર્યું છે તેથી ફોરેનમાં સારી નોકરી માટે વાત કરી હતી. ત્યારબાદ તેમના દીકરાનાં સર્ટિફિકેટ અને ડોક્યુમેન્ટ પ્રિયમભાઇએ માગતાં તા. ૧ જૂન, ર૦૧૯ના રોજ તેમના ઘરે આવીને આપ્યા હતા.

રૂ. રર૦૦ ડોલર પગાર આપવાની અપાઇ લાલચ 

પ્રિયમભાઇએ અલ્પેશભાઈને કહ્યું કે તમારા દીકરાને સિંગાપોરમાં વેલ બોય તરીકે નોકરી મળી જશે. તેમણે આમ કહેતાં અલ્પેશભાઈએ કેટલો ખર્ચ થશે તે અંગે પૂછતાં પ્રિયમભાઇએ સિંગાપોરના વિઝા તથા વર્ક પર‌િમટ અને હોટલમાં રહેવા-જમવાના ખર્ચ સાથે છ લાખ રૂપિયા આપવાના થશે તેમ જણાવ્યું હતું. તા.૧૮ જુલાઈ, ર૦૧૯ના રોજ પ્રિયમભાઇએ અલ્પેશભાઈના ઘરે જઈ વરુણના સિંગાપોરના વિઝા તેમજ નોકરીનો એપોઇમેન્ટ લેટર, હોટલ મીરામાર સિંગાપોર ૪૦૧ હેવલોક રોડ તથા ફ્લાઈટની ટિકિટ આપી હતી અને કહ્યું હતું કે તેને રૂ. રર૦૦ ડોલર પગાર મળશે તો અલ્પેશભાઈએ બાકીની ૪.પ૦ લાખ પ્રિયમભાઇને આપી દીધા હતા.

નોકરીનો લેટર ખોટો બનાવેલ હોવાનું સામે આવ્યું

તા. ર૮ નવેમ્બર, ર૦૧૯ના રોજ વરુણ સિંગાપોર જવા માટે રાતે ફ્લાઈટમાં બેસી ગયો હતો. બીજા દિવસે સિંગાપોર એરપોર્ટના ઇમિગ્રેશન વિભાગમાં વરુણના ડોક્યુમેન્ટ ચેક કરતાં મીરામાર હોટલનો આપેલ નોકરીનો લેટર ખોટો બનાવેલ હોવાનું વરુણને જાણ થઇ હતી.ઇમિગ્રેશન વિભાગે વરુણના મોબાઈલ અને પાસપોર્ટ જપ્ત કરી લીધાં હતાં. ત્યારબાદ ઇમિગ્રેશન વિભાગે વરુણને અમદાવાદ પરત મોકલી દીધો હતો. ‌પ્રિયમે  છેતરપિંડી કરી હોવાની ફરિયાદ સાબરમતી પોલીસ સ્ટેશનમાં કરતા પોલીસે ગુનો નોંધી તપાસ હાથ ધરી છે.