વિચારણા / તો JIO, એરટેલ અને વોડફોનની આ ફ્રી સેવા એક ઝાટકે બંધ થઈ જશે

• ટેલીકોમ કંપની Vodafone-Idea અને Airtel ને સરકારને હજાર કરોડ રૂપિયા ચુકવવાનો નિર્દેશ
• Vodafone-Idea અને Airtelને કુલ 74, 000 કરોડનું નુકસાન થયું
• Reliance Jio એ ૨૦૧૬માં ટેલીકોમ સેકટરમાં એન્ટ્રી કરતા જ ટેલીકોમ કંપનીઓ વચ્ચે કિંમતને લઈને યુદ્ધ શરુ થઇ ગયું 

ત્રિમાસિક ગાળામાં 74, 000 કરોડનું નુકસાન

સરકારનું માનવું છે કે ફ્રી કા તો વધારે સસ્તા વોઈસ અને ડેટા ટેરીફના કારણે પાછળના કેટલાક વર્ષોમા ટેલીકોમ કંપનીઓને નુકશાન ઉઠાવવુ પડી રહ્યું છે. ત્યાં જ સ્પેક્ટ્રમ અને લાઇસન્સની કીમત પણ વધારે છે, જેના કારણે ટેલીકોમ કંપનીઓને વારંવાર નુકશાન ભોગવવાનો વારો આવ્યો છે. છેલ્લા ત્રિમાસિક ગાળામાં, દેશની બંને મોટી ટેલિકોમ કંપની Vodafone-Idea અને Airtelને કુલ 74, 000 કરોડનું નુકસાન થયું છે. સેક્રેટરીની કમિટી (CoS) એ આ મોટા નુકશાનને પહોંચી વળવા માટે વોઈસ કોલિંગ અને ડેટા માટે લઘુતમ કિંમત નક્કી કરવાનું વિચાર કરી રહી છે. કમિટીએ આ ભલામણ ટેલીકોમ વિભાગ (DoT) ને મોકલવાની તૈયારીમાં છે.

TRAI એ અગાઉ ટેલિકોમ કંપનીઓની આ ભલામણને નકારી હતી

તમને જણાવી દઈએ ટેલીકોમ કંપનીઓને નિયમન કરનારી TRAI એ અગાઉ ટેલિકોમ કંપનીઓની આ ભલામણને નકારી હતી. સુપ્રીમ કોર્ટએ ટેલીકોમ કંપનીઓને સરકારને RS ૯૨,૦૦૦ કરોડ AGR ચુકવવાનો નિર્દેશ આપ્યો છે.  ટેલીકોમ વિભાગે લઘુતમ ચાર્જ પ્લાનને રીવ્યુ કરવા ટેલીકોમ ઓપરેટર્સને મોકલશે, જેથી ટેલિકોમ કંપનીઓ લાઇસન્સ ફી અને સ્પેક્ટ્રમ માટે ચૂકવવામાં આવેલી રકમ એકત્રિત કરી શકે.

ટેલીકોમ કંપનીઓ વચ્ચે કિંમતને લઈને યુદ્ધ ક્યારે શરુ થયું ?

તમને જણાવી દઈએ કે Reliance Jio એ ૨૦૧૬માં ટેલીકોમ સેકટરમાં એન્ટ્રી કરતા જ ટેલીકોમ કંપનીઓ વચ્ચે કિંમતને લઈને યુદ્ધ શરુ થઇ ગયું હતું. જે પછી ડેટા અને વોઈસ કોલિંગ કિમતમાં ધરખમ ઘટાડો કરવામાં આવ્યો હતો અને યુજર્સને મફત અથવા ખૂબ જ ઓછા ભાવે ડેટા અને વોઈસ કોલિંગની સુવિધા મળવાનું શરૂ થયું.