ખુલાસો / શ્રદ્ધાની હત્યા બાદ આફતાબે બીજી ગર્લફ્રેન્ડને ભેટમાં આપ્યું એવું કે ચોંકી ઉઠ્યાં લોકો

• શ્રદ્ધા હત્યા કેસમાં વધુ ખુલાસોઓ થયા છે
• શ્રદ્ધા સિવાય આફતાબની બીજી પણ ગર્લફ્રેન્ડ હતી
• પોલીસે 12 નવેમ્બરનાં રોજ શ્રદ્ધા હત્યા કેસમાં આફતાબની ધરપકડ કરી હતી

 શ્રદ્ધા હત્યા કેસમાં વધુ એક મોટો ખુલાસો થયો છે. કહેવામાં આવી રહ્યું છે કે શ્રદ્ધાની હત્યા કર્યા બાદ આફતાબની બીજી ગર્લફ્રેન્ડ પણ હતી. તે ગર્લફ્રેન્ડ પણ તેના ફ્લેટ પર આવી હતી જ્યાં શ્રદ્ધાની ડેડ બોડી ફ્રીજમાં રાખવામાં આવી હતી. પોલીસના જણાવ્યા અનુસાર, આફતાબે શ્રદ્ધાને આપેલી વીંટી તેની ગર્લફ્રેન્ડને પણ ભેટમાં આપી હતી. પોલીસે તે વીંટી મેળવી લીધી છે. આ સિવાય દિલ્હી પોલીસે આફતાબ દ્વારા ઉપયોગમાં લેવાયેલ હથિયાર પણ કબજે કરી લીધું છે.

આફતાબનો ત્રણ વખત પોલીગ્રાફ ટેસ્ટ કરાયો
આ હત્યા કેસની તપાસ કરવામાં પોલીસને 25 દિવસ થયા છે. દિલ્હી, હિમાચલથી લઈને મુંબઈ સુધી અનેક રાજ્યોમાં તપાસ આગળ ધપાવવામાં આવી છે. આ સિવાય આફતાબનો પોલીગ્રાફ ટેસ્ટ પણ ત્રણ વખત કરવામાં આવ્યો છે. તેના દ્વારા અનેક સવાલોના જવાબ આપવામાં આવ્યા છે. પરંતુ આરોપીની ચાલાકી એવી છે કે તે ઘણા સવાલોના યોગ્ય જવાબ આપી રહ્યો નથી. ત્યારે અમુક પ્રશ્નનોનાં જવાબ આફતાબ દ્વારા યોગ્ય આપવામાં આવ્યા ન હતા. જેના કારણે અનેક વખત દિલ્હી પોલીસની તપાસ અધવચ્ચે જ અટવાઈયેલી રહી છે.

પોલીસે 12 નવેમ્બરે આફતાબની ધરપકડ કરી હતી
 જાણવા મળતી માહિતી મુજબ આફતાબની દિલ્હી પોલીસે 12 નવેમ્બરે શ્રદ્ધા હત્યા કેસમાં ધરપકડ કરી હતી. આ પછી પોલીસે આફતાબની પૂછપરછ કરી. ત્યારે આફતાબે કહ્યું હતું કે શ્રદ્ધા તેના પર લગ્ન કરવા માટે દબાણ કરી રહી હતી. આ બાબતે 18 મેના રોજ તેને શ્રદ્ધા સાથે ઝઘડો થયો હતો. આ પછી તેણે શ્રદ્ધાનું ગળું દબાવીને હત્યા કરી નાખી. હત્યા બાદ તેણે શ્રધ્ધાના શરીરનાં 35 ટુકડા કરી દીધા હતા. મૃતદેહના ટુકડા રાખવા માટે તેણે 300 લિટરનું ફ્રિજ ખરીદ્યું. આ પછી તેણે મૃતદેહના ટુકડા તેમાં રાખ્યા. તે દરરોજ રાત્રે મૃતદેહનો ટુકડો ફેંકવા માટે મેહરૌલીના જંગલોમાં જતો હતો.