ચકાસણી / બિહારના ભાગલપુરની ઘટના બાદ હવે દ્વારકા જિલ્લા તંત્ર જાગ્યું, સિગ્નેચર બ્રિજનું કરાશે ઇન્સ્પેક્શન

 

• ભાગલપુર ઘટના બાદ દ્વારકા જિલ્લા તંત્ર એક્શનમાં
• સિગ્નેચર બ્રિજના ઇન્સ્પેકશનની તૈયારી શરૂ કરાઈ
• એસ.પી સિંગલા કંપની જ બનાવી રહી છે સિગ્નેચર બ્રિજ

બિહારના ભાગલપુર દુર્ઘટના બાદ દ્વારકા જિલ્લાનું તંત્ર પણ જાગી ગયું છે. તંત્રએ બેટ દ્વારકામાં સિગ્નેચર બ્રિજના ઇન્સ્પેક્શનની તૈયારીઓ શરૂ કરી દીધી છે. બેટ દ્વારાકાના સિગ્નેચર બ્રિજનું કામ પૂર્ણતાના આરે છે. સિગ્નેચર બ્રિજ બન્યા બાદ થર્ડ પાર્ટી ઇન્સ્પેકશન કરાવામાં આવશે. બ્રિજ બન્યા બાદ તેની ચકાસણી કરાશે.

એસ.પી સિંગલા કંપની જ બનાવી રહી છે સિગ્નેચર બ્રિજ
આપને જણાવી દઈએ કે, બિહારના ભાગલપુરનો બ્રિજ એસ.પી સિંગલા કાન્સ્ટ્રકશન પ્રાઇવેટ લી. કંપની દ્વારા બનાવવામાં આવ્યો હતો. એસ.પી સિંગલા કંપની જ બેટ દ્વારકાના સિગ્નેચર બ્રિજનું કામ કરી રહી છે. બિહારની બ્રિજ દુર્ઘટના બાદ સ્થાનિક લોકોમાં બ્રિજની ક્ષમતાને લઇને ચર્ચાઓ ચાલી રહી છે. બિહારમાં બ્રિજ તૂટ્યા બાદ બેટ દ્વારકાના સિગ્નેચર બ્રિજને લઈને ચિંતાઓ વ્યાપી ગઈ છે.

962 કરોડના ખર્ચે બનાવાઈ રહ્યો છે બ્રિજ
બેટ દ્વારકામાં સિગ્નેચર બ્રિજ રૂપિયા 962 કરોડના ખર્ચે બનાવવામાં આવી રહ્યો છે. બ્રિજ બનાવવાનો કોન્ટ્રાક્ટ ભાગલપુરનો બ્રિજ બનાવનાર કંપની  એસ.પી સિંગલા કાન્સ્ટ્રકશન પ્રાઇવેટ લિમિટેડને જ આપવામાં આવ્યો છે. 40 પીલરો પર ઉભા થનારા આ બ્રિજ પર અઢી ફૂટની ફૂટપાથ હશે. દરિયામાં 62 મીટર ઊંડે ફાઉન્ડેશન કરવામાં આવ્યું છે. સાથે આ બ્રિજની લંબાઈ 2320 મીટર છે. 

કડડડભૂસ થઈને ગંગામાં તૂટી પડ્યો હતો ભાગલપુર બ્રિજ 
બિહારના ભાગલપુરમાં રવિવારે (4 જૂન) અગુવાની-સુલ્તાનગંજ પુલ અચાનક તૂટીને ગંગા નદીમાં પડ્યો હતો. પૂલ તૂટવાની સાથે 3 મોટા પિલર પણ નદીમાં પડ્યાં હતા. સદનસીબે આ ઘટનામાં કોઈ જાનહાની થઈ નહોતી. પુલ તૂટી પડવાના કારણે ઘટના સ્થળે જ અફરાતફરીનો માહોલ સર્જાયો હતો. ગંગા નદી પર બની રહેલો જે પૂલ તૂટી પડ્યો હતો તે સીએમ નીતિશ કુમારના ડ્રીમ પ્રોજેક્ટ સમાન હતો અને તે 1717 કરોડના ખર્ચે બની રહ્યો હતો. 

#WATCH | Under construction Aguwani-Sultanganj bridge in Bihar’s Bhagalpur collapses. The moment when bridge collapsed was caught on video by locals. This is the second time the bridge has collapsed. Further details awaited.

(Source: Video shot by locals) pic.twitter.com/a44D2RVQQO

— ANI (@ANI) June 4, 2023

વીડિયો પણ આવ્યો હતો સામે
ભાગલપુર-સુલ્તાનગંજમાં અગુવાની પુલ તૂટી પડવાનો વીડિયો સામે આવ્યો હતો. આખો પુલ ગંગા નદીમાં ડૂબી ગયો હતો. નવાઈની વાત એ છે કે આ પુલનો એક ભાગ 2 વર્ષ પહેલા પણ ધરાશાયી થઈ ગયો હતો.