સાવધાન / સુરત બાદ ગુજરાતના આ શહેરમાં પણ નવા સ્ટ્રેઈન સાથે કોરોનાના લક્ષણ દેખાયા

• ગાંધીનગરમાં નવા કોરોના સ્ટ્રેઇનના 2 કેસ નોંધાયા
• બંને દર્દીઓને સિવિલ હોસ્પિટલમાં દાખલ કરાયા
• બંને દર્દીઓ કલોલના રહેવાસી 

ગાંધીનગરમાં નવા કોરોના સ્ટ્રેઈનના 2 કેસ સામે આવ્યા છે. નવા સ્ટ્રેઈનના બંને દર્દીઓને સિવિલ હોસ્પિટલમાં દાખલ કરાયા છે. આ બંને દર્દીઓ કલોલના રહેવાસી છે. બંને દર્દીઓ વિદેશ પરત આવ્યા હતા.

તો 9 માર્ચે સુરતમાં પણ કોરોનાના સંક્રમણ સાથે 3 દર્દીઓમાં વિદેશી સ્ટ્રેઈનના લક્ષણો જોવા મળ્યા છે.  UKના 2 અને આફ્રિકન વાઇરસના લક્ષણ ધરાવતા એક દર્દીની ઓળખ થઈ છે. સુરતમાં વિદેશી સ્ટ્રેઇનના લક્ષણ ધરાવતા દર્દી મળતા ચિંતા વધી છે. કોરોનાના વધતા ખતરા વચ્ચે સુરતમાં માસ્ક પહેરવા મનપા કમિશનર દ્વારા અપીલ કરાઈ છે. સાથે ટોળાશાહીથી દૂર રહેવા પણ અપીલ કરી છે. 

અમદાવાદમાં કોરોનાના વધતા કેસને કારણે કન્ટેનમેન્ટ ઝોન વધાર્યા

હાલ અમદાવાદના ઘાટલોડિયા,બોડકદેવ,ગોતા વિસ્તારમાં રહેલા મકાનો માઇક્રો કન્ટેનમેન્ટ ઝોનમાં આવતા સ્થાનિકો તથા આસપાસના વિસ્તારોમાં પણ કોરોનાના કેસને લઈને ચિંતા જોવા મળી છે.  ઉલ્લેખનીય છે કે, ઘાટલોડિયાના આંકાક્ષા એપાર્ટમેન્ટમાં 36 મકાન, સત્ય એપોર્ટમેન્ટમાં 16 મકાન, બોડકદેવના સુરેલ એપોર્ટમેન્ટમાં 12 મકાનો શ્રીક્રિષ્ના એપોર્ટમેન્ટમાં 12 મકાન તથા ગોતાના સત્યમેવ વિસ્ટાના 24 મકાનોને માઈક્રો કન્ટેન્મેન્ટમાં મૂકવામાં આવ્યા છે. ખાસ કરીને શહેરના પશ્વિમ વિસ્તારોમાં કોરોનાના કેસોમાં વધારો જોવા મળી રહ્યો છે તેને લઈને શહેરીજનોમાં ભયનો માહોલ જોવા મળી રહ્યો છે.