- મસ્કે એક હેકરને ટ્વિટર મોટી જવાબદારી સોંપી છે
- જ્યોર્જ હોટ્ઝને કંપનીમાં ટ્વિટર સર્ચ વિકલ્પને ઠીક કરવાનું કામ સોંપ્યું
- હેકર ટ્વિટર પર 12 અઠવાડિયાની ઇન્ટર્નશિપ કરશે
એલન મસ્કે જ્યારથી ટ્વિટરની કમાન્ડ તેના હાથમાં લીધી છે એ સમયથી જ તેને હજારો કર્મચારીઓને કંપનીમાંથી બહારનો રસ્તો બતાવ્યો હતો. સાથે જ ટ્વિટરને લઈને દરરોજ નવા નવા અપડેટ્સ અને ફેરફાર સામે આવી રહ્યા છે. હાલ જ એક મીડિયા રિપોર્ટ્સથી પ્રાપ્ત માહિતી અનુસાર મસ્કે એક હેકરને મોટી જવાબદારી સોંપી છે અને આ હેકરનું નામ જ્યોર્જ હોટ્ઝ છે.
જણાવી દઈએ કે મસ્કે જે બયક્તિને જવાબદારી સોંપી છે એ વ્યક્તિ પર 2007માં Apple iPhone હેક કરવાનો આરોપ છે. જ્યોર્જ હોટ્ઝ આ પહેલો વ્યક્તિ હતો જેણે આઇફોનને અનલોક કર્યું હતું. જો કે વાત અહિયાં પૂરી નથી થતી, એ હેકર જ્યોર્જ હોટ્ઝ માઇક્રોબ્લોગિંગ પ્લેટફોર્મ ટ્વિટરના નવા બોસ એલન મસ્કના સ્પેસએક્સ પ્રોજેક્ટ સાથે પણ સંકળાયેલા છે અને હવે મસ્કએ એ જ જ્યોર્જ હોટ્ઝને કંપનીમાં ટ્વિટર સર્ચ વિકલ્પને ઠીક કરવાનું કામ સોંપ્યું છે.
આ સાથે એવી માહિતી પણ મળી છે કે મસ્કે આ હેકરને ટ્વિટર સર્ચમાંથી દરેક ખામીને ફિક્સ કરવા માટે 12 અઠવાડિયાનો સમય આપ્યો છે. જણાવી દઈએ કે કંપનીમાં કામ કરતા એન્જિનિયરો છેલ્લા ઘણા વર્ષોમાં આ સમસ્યાને ઠીક કરી શક્યા નથી આટલા માટે મસ્કે આ કામ જ્યોર્જ હોટ્ઝને સોંપ્યું છે. રોપોર્ટ અનુસાર આ હેકરે ટ્વિટ કરીને જણાવ્યું હતું કે તેસાન ફ્રાન્સિસ્કોમાં રહેવાનો ખર્ચ કાઢવા માટે ટ્વિટર પર 12 અઠવાડિયાની ઇન્ટર્નશિપ કરશે.
હોટ્ઝ એ જણાવ્યું હતું કે તે ' લાંબા સમય સુધી કોઈ કંપનીમાં જોડાવા માંગતો નથી, તે કોપલેક્સ કોડ્સમાં ડૂબકી મારવા માંગે છે.' જ્યોર્જ હોટ્ઝનું કહેવું છે કે તે ' ડોક્યુમેન્ટ્સની મદદથી 1000 માઈક્રો સર્વિસને સાફ કરવાનું કામ કરશે. ' આ સાથે જ કંપનીમાં પોતાના પદને લઈને તેને સ્પષ્ટ કર્યું હતું કે તે કંપનીમાં ઈન્ટર્ન તરીકે કામ કરશે અને Twitter broken searcને 12 અઠવાડિયામાં ઠીક કરવાનું કામ કરશે.
Twitter સર્ચ વિશે વધુ માહિતી એકઠી કરવા માટે જ્યોર્જ હોટ્ઝે તેના ફોલોઅર્સને પૂછ્યું કે શું તેઓ Google શોધને બદલે Twitter સર્ચનો ઉપયોગ કરશે. આ સાથે જ ટ્વિટર સર્ચની ક્વોલિટી પર પણ સવાલ ઠાવતા તેને પૂછ્યું હતું કે તમારે ગૂગલને બદલે ટ્વિટર સર્ચનો ઉપયોગ કરવા માટે તમારે શેની જરૂર છે?
