ના હોય! / ઘરમાં રહીને હાથ-પગ કઈ રીતે તોડવા? આ દેશમાં ગુગલ પર આવું સર્ચ કરી રહ્યા છે લોકો, જાણો કેમ

• રશિયાના લોકો કરી રહ્યા છે દેશ છોડવાની તૈયારી 
• ઘરે હાથ-પગ તોડવાની રીતો શોધી રહ્યા છે લોકો 
• જાણો શા માટે લોકો કરી રહ્યા છે ગુગલ પર આવું સર્ચ 

રશિયામાં આ સમયે એક અલગ પ્રકારનું વાતાવરણ છે. જ્યારથી રશિયન રાષ્ટ્રપતિ વ્લાદિમીર પુતિને યુક્રેન યુદ્ધમાં લગભગ 300,000 રિઝર્વ સૈનિકો મોકલવાની જાહેરાત કરી છે, ત્યારથી અહીં લોકો મુશ્કેલીમાં છે. કેટલાક લોકો રશિયાની સરહદે આવેલા દેશોમાં સ્થળાંતર કરી રહ્યા છે. જ્યારે કેટલાક લોકો ગૂગલ પર વિચિત્ર પ્રશ્નો સર્ચ કરી રહ્યા છે. 

લોકો સર્ચ કરી રહ્યા છે આવી વસ્તુઓ 
રશિયાના રાષ્ટ્રપતિ વ્લાદિમીર પુતિનનું કહેવું છે કે યુક્રેનમાં રશિયાના કબજા હેઠળના વિસ્તારોમાં શાંતિ જાળવી રાખવા માટે સૈન્ય દળોની જરૂર છે. તો બીજી તરફ રશિયન લોકો આ જાહેરાત બાદથી રશિયાથી ભાગવાનો પ્રયાસ કરી રહ્યા છે અને ગૂગલ પર 'એક પગ કઈ રીતે તોડવો' અને 'ઘરે હાથ કઈ રીતે તોડવો' જેવા પ્રશ્નો શોધી રહ્યા છે. તેઓ આમ કરીને સેનામાં ભરતી થવાથી બચવા માંગે છે.

Googleમાં લોકો સર્ચ કરી રહ્યા છે આવા સવાલ 
એક રિપોર્ટ અનુસાર રશિયામાં ગૂગલ પર વિચિત્ર સવાલો ટ્રેન્ડ કરી રહ્યા છે. લોકો Googleને પૂછે છે  'રશિયા કેવી રીતે છોડવું', 'એક પગ કેવી રીતે તોડવો' અને 'ઘરે હાથ કેવી રીતે તોડવો'. તેઓ આ પ્રશ્નો પૂછી રહ્યા છે કારણ કે તેઓ યુદ્ધમાં જવાનું ટાળવા માંગે છે. 

તેઓ પોતાને નુકસાન કરીને ભરતીથી બચવાનો પ્રયાસ કરી રહ્યા છે. રશિયામાં એક વર્ગ પહેલાથી જ યુક્રેન સાથે યુદ્ધના પક્ષમાં ન હતો અને આ જાહેરાત બાદ લોકો પ્રદર્શન પણ કરી રહ્યા છે.  ત્યાં જ રશિયામાં દેશની બહાર જતા ફ્લાઈટ પણ લગભગ ફૂલ જઈ રહી છે.

યુક્રેનના ચાર ભાગોને એક કરવાની તૈયારી
રશિયા યુક્રેનના 4 ભાગોને જોડવાની તૈયારી કરી રહ્યું છે. તે ડોનેત્સ્ક, લુહાન્સ્ક, ખુરાસાન અને ઝાપોરિઝ્ઝિયાને તેનો ભાગ બનાવવાનો પ્રયાસ કરી રહ્યું છે. પુતિને આ સ્થળોએ જનમત સંગ્રહ લેવાનો આદેશ આપ્યો છે. 

તેમના મતે લુહાન્સ્ક પીપલ્સ રિપબ્લિક અને ડોનેટ્સક પીપલ્સ રિપબ્લિકને પણ આંશિક રીતે સ્વતંત્રતા મળી છે. રશિયાના સંરક્ષણ મંત્રીએ આ અંગે 3 લાખ રિઝર્વ સૈનિકોને તૈનાત કરવાની જાહેરાત કરી છે. આ દરમિયાન પુતિને પશ્ચિમી દેશોને રશિયાના રસ્તામાં ન આવવાની ચેતવણી પણ આપી છે.