VIDEO / એજબેસ્ટોનમાં વિરાટ કોહલીનો કિંગ અવતાર, 'વોક વિથ કિંગ, મારી તો જિંદગી પૂરી થઈ ગઈ...

• ભારત અને ઈંગ્લેન્ડ વચ્ચે ટેસ્ટ સિરીઝ 
• કોહલી પર રહેશે લોકોની નજર 
• કોહલીનો વિડીયો વાયરલ થયો

પ્રેક્ટિસ મેચમાં શાનદાર અડધી સદી ફટકારી
ભારત અને ઈંગ્લેન્ડ વચ્ચેની પાંચમી ટેસ્ટ મેચ શુક્રવાર (1 જુલાઈ)થી એજબેસ્ટોનમાં રમાવાની છે. આ મેચમાં ભારતીય ફેન્સની નજર સ્ટાર બેટ્સમેન વિરાટ કોહલી પર રહેશે. કોહલીએ લિસેસ્ટરશાયર સામેની પ્રેક્ટિસ મેચમાં શાનદાર અડધી સદી ફટકારી હતી. આવી સ્થિતિમાં, તેમની અપેક્ષાઓ થોડી વધુ વધી ગઈ છે. 

 

𝗪𝗮𝗹𝗸𝗶𝗻𝗴 𝘄𝗶𝘁𝗵 𝘁𝗵𝗲 𝗸𝗶𝗻𝗴. 👑

My life is complete. #Edgbaston | #ENGvIND pic.twitter.com/Ij6kDbnuAA

— Edgbaston (@Edgbaston) June 29, 2022

વાયરલ વીડીયો 
આ ટેસ્ટ મેચ માટે કોહલી જોરદાર પ્રેક્ટિસ પણ કરી રહ્યો છે. વિરાટ કોહલીનો એક વીડિયો પણ સોશિયલ મીડિયા પર વાયરલ થઇ રહ્યો છે, જેમાં તે શુબમન ગિલ સાથે પ્રેક્ટિસ બાદ ખભા પર કિટ બેગ લઇને પરત ફરતો જોવા મળી રહ્યો છે. આ વીડિયો એજબેસ્ટનના ઓફિશિયલ ટ્વિટર હેન્ડલ પરથી શેર કરવામાં આવ્યો છે. આ વીડિયોમાં એક કેમેરો સતત વિરાટ કોહલીને ફોલો કરે છે. જેના કારણે વિરાટ કોહલી એક ક્ષણ માટે થોભી જાય છે અને કેમેરા સામે બોલે છે, 'What's up?' વીડિયોનું કેપ્શન પણ એકદમ ફની છે, 'વોક વિથ કિંગ, માય લાઇફ ઈઝ કમ્પ્લીટ'. 

 

Love someone as much as Kohli loves Admin. ☺️

🐻#YouBears | #ENGvIND https://t.co/XGGZVeAtdF pic.twitter.com/tJcJPRE6ga

— Warwickshire CCC 🏏 (@WarwickshireCCC) June 29, 2022

આઇપીએલમાં કંગાળ દેખાવ
વિરાટ કોહલીએ ઈન્ડિયન પ્રીમિયર લીગ 2022માં સારું પ્રદર્શન કર્યું ન હતું. કોહલી રોયલ ચેલેન્જર્સ બેંગલોર માટે 16 મેચમાં 22.73ની એવરેજથી 341 રન જ બનાવી શક્યો હતો, જેમાં બે અડધી સદી સામેલ હતી. ખાસ વાત એ છે કે વિરાટ કોહલી પણ ત્રણ વખત 'ગોલ્ડન ડક'નો શિકાર બન્યો હતો.

કોહલીને સદીની રાહ
ભારત માટે 33 વર્ષના વિરાટ કોહલીએ આંતરરાષ્ટ્રીય ક્રિકેટમાં સદી ફટકારી તેને ઘણો સમય થઈ ગયો છે. વિરાટ કોહલીની આંતરરાષ્ટ્રીય ક્રિકેટમાં છેલ્લી સદી 2019માં થઈ હતી. આ પછી તેણે કોલકાતાના ઈડન ગાર્ડનમાં 136 રન ફટકાર્યા હતા. ત્યાર બાદ વિરાટ કોહલી સદી ફટકારી શક્યો નથી.