દીપિકા પાદુકોણ અને પ્રભાસ 'પ્રોજેક્ટ કે'માં સાથે કામ કરી રહ્યા છે. તાજેતરમાં, દીપિકાની તબિયત સેટ પર અચાનક બગડી હતી જેના પછી તેને હોસ્પિટલમાં દાખલ કરવામાં આવી હતી.
ફિલ્મના સેટ પર બગડી હતી દીપિકાની તબિયત
પ્રભાસે 'પ્રોજેક્ટ કે'નૂ શૂટિંગ 1 વીક માટે લંબાવ્યું
દીપિકાને હોસ્પિટલમાં કરવામાં આવી હતી દાખલ
બોલિવૂડની સુંદર અભિનેત્રી દીપિકા પાદુકોણ અને બાહુબલી અભિનેતા પ્રભાસની જોડી ફિલ્મ Project Kમાં જોવા મળશે. દીપિકા અને પ્રભાસ પહેલીવાર એક ફિલ્મમાં સાથે કામ કરી રહ્યા છે. તાજેતરમાં જ દીપિકા પાદુકોણની તબિયત સેટ પર બગડી હતી.
તેને ગભરામણ થઈ રહી હતી ત્યારબાદ તેને હોસ્પિટલમાં દાખલ કરવામાં આવી હતી. હાલ દીપિકાની સ્થિતિ સારી હોવાનું કહેવામાં આવી રહ્યું છે. પરંતુ પ્રભાસે આગળના શૂટિંગ માટે મહત્વનો નિર્ણય લીધો છે, જેના વખાણ થઈ રહ્યા છે.
પ્રભાસે ભર્યું આ મોટું પગલું
પ્રભાસ તેની કો-સ્ટાર દીપિકાની તબિયત બગડવાના કારણે ખૂબ જ પરેશાન થઈ ગયો હતો. દીપિકાની તબિયતને લઈને મેકર્સ પણ ચિંતિત છે. દીપિકાની તબિયત બગડતાં શૂટિંગ સ્થગિત કરવામાં આવ્યું હતું.
રિપોર્ટ્સ અનુસાર દીપિકા અને પ્રભાસ આ ફિલ્મ માટે એક ખાસ દ્રશ્ય શૂટ કરવાના હતા પરંતુ પ્રભાસે નિર્માતાઓને શૂટિંગ ફરીથી શેડ્યૂલ કરવા રિકવેસ્ટ કરી છે. તેણે નિર્માતાઓને કહ્યું કે જ્યારે દીપિકાને સારૂ થઈ જશે અને તે સ્વસ્થ થશે ત્યારે જ ફિલ્મનું શૂટિંગ કરવામાં આવશે. પ્રભાસના કહેવા પર નિર્માતાઓએ શૂટિંગ શેડ્યૂલને એક અઠવાડિયા માટે હોલ્ડ કરી દીધું છે.
અચાનક બગડી ગઈ હતી દીપિકાની તબીયત
દીપિકા ગયા મંગળવારે પ્રભાસ સાથે 'પ્રોજેક્ટ કે'નું શૂટિંગ કરી રહી હતી. ત્યારપછી તેને સેટ પર ગભરામણ થવા લાગી હતી ત્યારબાદ તેને હૈદરાબાદની એક ખાનગી હોસ્પિટલમાં દાખલ કરવામાં આવી. દીપિકા અત્યારે ઠીક છે. રિપોર્ટ્સ અનુસાર દીપિકા મુંબઈમાં તેના ઘરે છે અને આરામ કરી રહી છે.