વિશ્વભરમાં ચિપની અછત અને સપ્લાય ચેઈનની સમસ્યાઓને કારણે ઘણી મોટી મોબાઈલ ફોન કંપનીઓએ તેમના સ્માર્ટફોનની કિંમતો વધારી દીધી છે.
ભારતમાં વધી શકે છે સ્માર્ટફોનની કિંમત
વિશ્વભરમાં ચિપની અછત
આ કંપનીઓએ ફોન પર કર્યો 1,500નો વધારો
ભારતમાં બનેલા મોબાઈલ ફોનની કિંમત ટૂંક સમયમાં વધી શકે છે. સેન્ટ્રલ બોર્ડ ઓફ ઈનડાયરેક્ટ ટેક્સ અને કસ્ટમ્સે એક આદેશ જારી કર્યો છે. આ આદેશમાં કહેવામાં આવ્યું છે કે મોબાઇલ ફોનમાં ઉપયોગમાં લેવાતા ઇનપુટ્સના આધારે વધુ કસ્ટમ ડ્યુટી વસૂલવામાં આવશે. હવે જો સ્માર્ટફોનમાં ઉપયોગમાં લેવાતા કોમ્પોનેન્ટ્સ પર કસ્ટમ ડ્યુટી વધે છે, તો કંપનીઓ ગ્રાહકો માટે તેમના ઉત્પાદનોની કિંમતમાં વધારો કરીને આ વધેલી કિંમતની ભરપાઈ કરી શકે છે.
કેટલી વધશે ડ્યુટી
બેક સપોર્ટ ફ્રેમ સાથે સ્માર્ટફોનની ડિસ્પ્લે એસેમ્બલીના ઈમ્પોર્ટ પર બેસિક કસ્ટમ ડ્યુટી 10 ટકા વધારવામાં આવે તેવી શક્યતા છે. જો ડિસ્પ્લે એસેમ્બલી સાથે એન્ટેના પિંસ, પાવર કી અને અન્ય એક્સેસરીઝની આયાત કરવામાં આવે તો કસ્ટમ્સ ડ્યુટી 5 ટકા થશે અને આમ કુલ મળીને આયાત ડ્યુટી 15 ટકા થશે.
આ કારણે મોબાઈલ ફોન કંપનીઓ પણ પોતાના મોબાઈલ સેટની કિંમતમાં 10 થી 15 ટકાનો વધારો કરી શકે છે. સીબીઆઈસીએ તેના આદેશમાં એમ પણ કહ્યું છે કે જો સિમ ટ્રે, એન્ટેના પિન, સ્પીકર નેટ, પાવર કી, સ્લાઈડર સ્વીચ, બેટરી કમ્પાર્ટમેન્ટ, ફ્લેક્સિબલ પ્રિન્ટેડ સર્કિટ, સેન્સર, સ્પીકર, ફિંગરપ્રિન્ટ વગેરે જેવી વસ્તુઓ ઈમ્પોર્ટ કરવામાં આવે ત્યારે સંપૂર્ણ એસેમ્બલી પર 15 ટકા બેસિક કસ્ટમ ડ્યુટી વસૂલવામાં આવશે.
ડ્યૂટીની લિસ્ટમાં કયા કોમ્પોનેટનો થશે સમાવેશ
આ લિસ્ટ અનુસાર સેલ્યુલર મોબાઇલ ફોનની ડિસ્પ્લે એસેમ્બલીના કોમ્પોનેટ્સ અને સબકોમ્પોનેન્ટ્સનો સમાવેશ કરવામાં આવ્યો છે. ડિસ્પ્લે એસેમ્બલીમાં ટચ પેનલ, કવર ગ્લાસ, બ્રાઈટનેસ એન્હાન્સમેન્ટ ફિલ્મ, ઈન્ડિકેટર ગાઈડ લાઈટ, રિફ્લેક્ટર, એલઈડી બ્લેકલાઈટ, પોલારાઈઝર્સ અને ફ્લાઈબલ પ્રિંટેડ સર્કિંટ પર લાગેલા એલસીડી ડ્રાઈવર વગેરેનો સમાવેશ થાય છે.
હાલમાં વિશ્વભરમાં ચિપની અછત અને સપ્લાય ચેઇનની સમસ્યાઓના કારણે, રેડમી, ઓપ્પો, સેમસંગ સહિતની મોટી મોબાઇલ ફોન કંપનીઓએ તેમની કિંમતોમાં સરેરાશ 1,500 રૂપિયાનો વધારો કર્યો છે. કિંમતોમાં વધારાની અસર ભારતમાં સ્માર્ટફોન માર્કેટ પર પણ પડી છે.
રિસર્ચ કંપની Counterpointના રિપોર્ટ અનુસાર, 2022 ના બીજા ક્વાર્ટરમાં એટલે કે એપ્રિલ-જૂન વચ્ચે, ભારતમાં સ્માર્ટફોન શિપમેન્ટમાં વાર્ષિક ધોરણે 9 ટકાની વૃદ્ધિ થઈ છે. પરંતુ તે ત્રિમાસિક આધાર પર 5 ટકા ઘટીને લગભગ 3.7 કરોડ યુનિટ્સ રહી. ભારતમાં 3.8 કરોજ યુનિટ્સની શિપમેન્ટ કરવામાં આવી હતી.