બિગ બોસ 13માં સિદ્ધાર્થ શુક્લા અને શહનાઝ કૌર ગિલની જોડી દર્શકોને ખૂબ પસંદ આવી હતી. એટલું જ નહીં શહનાઝ એવું પણ કહી ચૂકી છે કે, તે સિદ્ધાર્થને પ્રેમ કરે છે. ઘણાં દર્શકો બિગ બોસ ખતમ થયા બાદ સિડનાઝને મિસ કરી રહ્યાં છે. જો તમે પણ આ જોડીના ફેન છો તો તમને જણાવી દઈએ કે, હમણાં જ સિડનાઝ સાથે ક્યૂટ અંદાજમાં જોવા મળ્યા હતા.
બિગ બોસ 13નો વિજેતા બન્યો સિદ્ધાર્થ શુક્લા
બિગ બોસમાં સિદ્ધાર્થ-શહનાઝની જોડી રહી હિટ
આ અભિનેત્રીએ સિદ્ધાર્થને જોઈ કરી લીધી કિસ
આ પ્રોમો વીડિયો શહનાઝ અને પારસના 'મુઝસે શાદી કરોગે' શોનો છે. આ વીડિયોમાં શહનાઝ અને સિદ્ધાર્થ એક સાથે મસ્તી કરતા જોવા મળે છે. આ વીડિયો ઈન્સ્ટાગ્રામ પર શેર કરવામાં આવ્યો છે. વીડિયોમાં મનીષ પોલ શહનાઝને કહે છે કે, તમે સાંભળ્યું છે ને કે, પ્રેમ આંધળો હોય છે. એ જ વાતને ધ્યાનમાં રાખીને આજે અમે તમારા માટે દુલ્હાની પસંદગી કરીશું.
વીડિયોમાં આગળ જોવા મળે છે કે, શહનાઝની આંખ પર પટ્ટી બાંધેલી છે અને તે છોકરાઓનો હાથ પકડીને તેમને જજ કરવાની કોશિશ કરે છે. શહનાઝ જેવી આગળ વધે છે અને એક છોકરાનો હાથ પકડે છે તો રોકાય જાય છે. એ પછી શહનાઝ મનીષને કહે છે કે, આ છે છેલ્લો છોકરો હતો તેને પકડીને મને સિદ્ધાર્થ શુક્લાવાળી ફીલિંગ આવી. આ પછી શહનાઝ તેની આંખો પરથી પટ્ટી હટાવે છે અને સામે સિદ્ધાર્થને જોઈને ખૂબ જ ખુશ થઈ જાય છે.
શહનાઝ સિદ્ધાર્થને હગ કરે છે અને ઈમોશનલ થઈ જાય છે. વીડિયોમાં જોવા મળે છે કે, સિદ્ધાર્થ સિવાય રશ્મિ દેસાઈ પણ શોમાં આવે છે. રશ્મિને જોતાં જ મનીષ બધાંને કહે છે કે બધાં પર્સ સાચવીને રાખજો, રશ્મિ આવી ગઈ છે. મુઝસે શાદી કરોગે શોમાં સિદ્ધાર્થ અને રશ્મિ મિત્ર બનીને પારસ અને શહનાઝની મદદ કરવા આવ્યા છે. જોકે, અંતિમ નિર્ણય પારસ અને શહનાઝ જ લેશે.
આ નવા શોમાં એન્ટ્રી મળ્યા બાદ શહનાઝ કહે છે કે, સાચું કહે છે કે, જ્યારે એક દરવાજો બંદ થાય છે ત્યારે બીજો ખુલી જાય છે. મારા જીવનમાં એક નવો અધ્યાય શરૂ કરવા માટે આ યોગ્ય સમય છે, કારણ કે બિગ બોસમાં મારી યાત્રા સમાપ્ત થઈ ગઈ છે. હું મારું ભવિષ્ય જોવા માટે એક્સાઈટેડ છું, પણ આવા પ્લેટફોર્મ પર જીવન બદલવાના નિર્ણયને લઈને નર્વસ પણ છું. હું આશા કરું છું કે દર્શકો મને ખૂબ પ્રેમ અને સમર્થન આપશે.