ક્રિકેટ / સૌરવ ગાંગુલીને લઈને આવી મોટી ખબર, BCCIમાંથી પત્તુ કપાતા લીધો નિર્ણય, જાણો હવે શું કરશે

• સૌરવ ગાંગુલી લડશે બંગાળ ક્રિકેટ એસોસિએશન અધ્યક્ષની ચૂંટણી 
• 2015માં ગાંગુલી બંગાળ ક્રિકેટ એસોસિએશનના અધ્યક્ષ હતા
• જગમોહન દાલમિયાના નિધન બાદ બન્યા હતા અધ્યક્ષ
• હાલમાં જગમોહનના પુત્ર છે બંગાળ એસોસિએશનના અધ્યક્ષ 
• સૌરવ ગાંગુલીનો બીસીસીઆઈ અધ્યક્ષ તરીકેનો કાર્યકાળ પૂરો થયો છે 

બીસીસીઆઈ અધ્યક્ષ સૌરવ ગાંગુલી બંગાળ ક્રિકેટ એસોસિએશન અધ્યક્ષની ચૂંટણી લડવા જઈ રહ્યાં છે. સૌરવ ગાંગુલી એ બંગાળ ક્રિકેટ એસોસિએશનના અધ્યક્ષની ચૂંટણી લડવાની જાહેરાત કરી દીધી છે. 2015ની સાલમાં બંગાળ ક્રિકેટ એસોસિએશનના તે વખતના અધ્યક્ષ જગમોહન દાલમિયાનું નિધન થતા ગાંગુલી અધ્યક્ષ બન્યાં હતા અને ત્યારથી લઈને 2019માં બીસીસીઆઈ અધ્યક્ષ બન્યાં ત્યાં સુધી તેઓ બંગાળના અધ્યક્ષ હતા. 2019માં ગાંગુલી બીસીસીઆઈ અધ્યક્ષ બનતા જગમોહન દાલમિયાના પુત્ર અભિષેક દાલમિયા બંગાળ ક્રિકેટ એસોસિએશનના અધ્યક્ષ પદે ચૂંટાયા હતા અને હવે અભિષેકનો કાર્યકાળ પૂરો થઈ રહ્યો હોવાથી ચૂંટણીઓની જાહેરાત કરવામાં આવી છે અને ગાંગુલી તે લડવા માગે છે. 

Outgoing BCCI chief Sourav Ganguly to contest Cricket Association of Bengal elections for post of president

— Press Trust of India (@PTI_News) October 15, 2022

22 ઓક્ટોબરે અધ્યક્ષ પદ માટે નામાંકન દાખલ કરશે
મીડિયા રિપોર્ટ અનુસાર, 20 ઓક્ટોબરે બંગાળ ક્રિકેટ એસોસિએશનની નવી પેનલની રચના થશે જે પછી 22 ઓક્ટોબરે ગાંગુલી અધ્યક્ષ પદ માટે નામાંકન દાખલ કરશે.

BCCIમાંથી ગાંગુલીની વિદાય નક્કી 
50 વર્ષીય સૌરવ ગાંગુલીની બીસીસીઆઇના અધ્યક્ષ પદેથી વિદાય નક્કી થઇ ગઇ છે. પૂર્વ ક્રિકેટર રોજર બિન્ની 18 ઓક્ટોબરે ઔપચારિક રીતે સૌરવ ગાંગુલીનું સ્થાન લેશે. રોજર બિન્ની 1983માં કપિલ દેવની કેપ્ટનશિપમાં પ્રથમ વખત વન ડે વર્લ્ડકપ જીતનારી ભારતીય ટીમના સભ્ય હતા.  રોજર બિન્ની બીસીસીઆઇના નવા બોસ બનવા જઇ રહ્યા છે, જય શાહ સેક્રેટરી તરીકે ચાલુ રહેશે.