એક્શન / અફઘાનિસ્તાનને લઈને મિશન મોડમાં ભારત : એક-બે દિવસમાં કરાશે આ મોટું ઓપરેશન

• એક બે દિવસમાં ભારત સુરક્ષિત લાવવામાં આવશે 
• જે ભારતીય ભારત પાછા ફરવા ઈચ્છે છે તે સુરક્ષિત વિસ્તારમાં છે
• ચીને અમેરિકન સૈન્ય કામગીરી પર ઢોળ્યો દોસનો ટોપલો 

એક બે દિવસમાં ભારત સુરક્ષિત લાવવામાં આવશે 

તાલિબાનના કબ્જા બાદ અફઘાનિસ્તાનમાં ભયનો માહોલ છે. વિદ્રોહિયોએ સમગ્ર દેશમાં કોહરામ મચાવી દીધો છે. અફઘાનિસ્તાનના રાષ્ટ્રપતિ અશરફ ગની દેશ છોડીને ભાગી ગયા છે. અમેરિકા પણ જલ્દીથી જલ્દી પોતાના અધિકારીઓ અને સૈનિકોને ત્યાંથી બહાર કાઢવા માંગે છે. તેવામાં ત્યાં ફસાયેલા ભારતીય નાગરિકોની સુરક્ષા ચિંતાનો વિષય બનેલો છે.  અફઘાનિસ્તાનમાં અનેક ભારતીય જે ભારત પાછા ફરવા ઈચ્છે છે તે સુરક્ષિત વિસ્તારમાં છે અને તેમને એક બે દિવસમાં ભારત સુરક્ષિત લાવવામાં આવશે તેવું સૂત્રો દ્વારા કહેવામાં આવી રહ્યું છે.

Several Indians in Afghanistan wanting to be repatriated to India are in a secure area and will be brought back home safely in a day or two: Sources pic.twitter.com/nczDr3kmXq

— ANI (@ANI) August 17, 2021

ચીને અમેરિકન સૈન્ય કામગીરી પર ઢોળ્યો દોસનો ટોપલો

ચીની વિદેશ મંત્રી વાંગ યીએ સોમવારે વિદેશ મંત્રી એન્ટની બ્લિંકેનને કહ્યું કે અમેરિકન સૈનિકોની ભારે ઉતાવળને કારણે અફઘાનિસ્તાન પર ગંભીર નકારાત્મક પ્રભાવ પડ્યો છે. વાંગ યીએ જો કે દેશમાં  સ્થિરતા અને શાંતિને વધારવા માટે વોશિંગ્ટન સાથે કામ કરવાની વાત કરી છે.

કુરૈશીએ અફઘાનિસ્તાનની અરાજક સ્થિતિ પર વાત કરી

અમેરિકન વિદેશ મંત્રી ટોની બ્લિંકને સોમવારે પાકિસ્તાનના વિદેશ મંત્રી શાહ મહમૂદ કુરૈશીએ અફઘાનિસ્તાનની અરાજક સ્થિતિ પર વાત કરી. વિદેશી વિભાગના પ્રવક્તા નેડ પ્રાઈસે પોતાના દૈનિક સમાચાર સમ્મેલનમાં સંવાદદાતાઓને કહ્યું કે બ્લિંકનની કુરેશ સાથે વાતચીત દુનિયાભરમાં તેમના સમકક્ષો દ્વારા કરવામાં આવેલી આઉટરીચનો ભાગ હતી.

 ટોની બ્લિંકને એસ જયશંકર સાથે આ મુદ્દે વાત કરી

અમેરિકન વિદેશ મંત્રી ટોની બ્લિંકને સોમવારે પોતાના ભારતીય સમકક્ષ એસ જયશંકર સાથે અફઘાનિસ્તાનમાં હાલના ઘટનાક્રમ અંગે વાત કરી. ભારતના વિદેશ મંત્રી જયશંકરે ટ્વીટ કર્યુ. ટોની બ્લિંકન સાથે અફઘાનિસ્તાનમાં હાજર સ્થિતિ પર ચર્ચા કરી.’