પ્રહાર / અફઘાનિસ્તાની સેનાનું મેગા ઓપરેશન, 99 તાલિબાની આતંકીઓ ઠાર

અફઘાનિસ્તાનના બદઘિસ પ્રાંતમાં અફઘાનિસ્તાનના સુરક્ષાબળ અને આતંકીઓ વચ્ચે અથડામણ જોવા મળી છે. આ ભયંકર અથડામણમાં અફઘાનિસ્તાનના સૈનિકોએ 99 તાલિબાની આતંકીઓને ઠાર માર્યા છે. જ્યારે આ કાર્યવાહીમાં અફઘાનિસ્તાનના 12 સૈનિક પણ શહીદ થયા છે.
 

ઉલ્લેખનીય છે કે, ચોથી એપ્રિલના રોજ તાલિબાન દ્વારા જિલ્લાના અનેક સુરક્ષા પોસ્ટને નષ્ટ કરવામાં આવ્યા હતા. જો કે ત્યાર બાદ આતંકીઓને જિલ્લાની બહાર ખદેડવા માટે સરકારી સેનાએ મોટા પાયે કાર્યવાહી હાથ ધરી હતી. જેમાં સુરક્ષાબળને 99 તાલિબાની આતંકીઓને ઠાર મારવામાં સફળતા મળી છે.
 

પ્રાપ્ત વિગતો મુજબ, આતંકીઓએ સ્થાનિકોના ઘરોમાં પોતાનું મુખ્યાલય બનાવ્યું હતું. જેથી સ્થાનિકોની સુરક્ષાને ધ્યાનમાં રાખીને સુરક્ષાબળને પીછેહટ કરવાનો વારો આવ્યો હતો. રક્ષા મંત્રાલયે એક નિવેદન આપતા કહ્યું કે, આતંકીઓ વિરૂદ્ધના અભિયાનમાં આર્મીના 8 અને 4 પોલીસકર્મી શહીદ થયા છે. જ્યારે આ અથડામણમાં 24 પોલીસકર્મીઓ પણ ઈજાગ્રસ્ત થયા છે. જો કે આ ઓપરેશનમાં 99 તાલિબાની આતંકીઓનો ખાતમો બોલાવવામાં આવ્યો છે.

અફઘાનિસ્તાનના બદધિસ પ્રાંતમાં સૈનિક અને તાલિબાન લડાખૂઓ વચ્ચે ભયંકર અથડામણ થઇ હતી. આ અથડામણમાં 99 તાલિબાન આતંકીઓ ઠાર મરાયા હતા જ્યારે 12 અફઘાનિસ્તાન સૈનિકો શહદ થયા હતા. રક્ષા મંત્રાલય દ્વારા સોમવારે આ અથડામણને લઇને જાણકારી આપવામાં આવી હતી.