Gold / દીવાળીએ સોનું ખરીદનારાઓ ચેતી જજો! આવી રીતે પાઉડર મેળવી સોની પધરાવી દેશે ઘરેણાં

એક મીડિયા રિપોર્ટસ અનુસાર દિલ્હીના કેટલાક જ્વેલર્સ સોનામાં એક ખાસ પ્રકારનો પાઉડર મિક્સ કરીને વેચી રહ્યા છે. આ પાઉડર સોનામાં એવો મિક્સ થાય છે ગમે તેટલી ચકાસણી કરવામાં આવે તો પણ જાણ થતી નથી. સિમેન્ટ જેવો આ પાઉડર વિદેશથી ભારત આવી રહ્યો છે. 

આ મહિને જ્વેલરી પર વધારે ડિસ્કાઉન્ટ મેળવવા અને લકી ડ્રૉ થી બચો. કારણ કે પહેલા સોનાની ચેનમાં ભેળસેળ કરવામાં આવતી હતી. પરંતુ હવે અન્ય જ્વેલરીમાં એને મિક્સ કરવામાં આવી રહ્યું છે. જ્વેલરી સમગ્ર રીતે ગળાવવા પર જ આ ભેળસેળ માટે જાણવા મળે છે. 

હૉલમાર્ક જ્વેલરી જ ખરીદો
હંમેશા હૉલમાર્ક વાળી જ જ્વેલરી ખરીદો. હૉલમાર્ક લાગેલી જ્વેલરી આ વાતની ગેરંટી છે કે જ્વેલરી શુદ્ધ છે કારણ કે આ નિશાન ભારતીય માનક બ્યૂરો દ્વારા આપવામાં આવે છે. જો હૉલમાર્ક વાળી જ્વેલરી પર 999 લખેલું હોય તો સોનું 99.9 ટકા શુદ્ધ છે. જો હૉલમાર્કની સાથે 916 લખેલું હોય તો એ આભૂષણ 22 કેરેટનું છે અને 91.6 ટકા શુદ્ધ છે. 

કિંમતને લઇને રહો સાવધાન
સોનાના જ્વેલરી ક્યારેય પણ 24 કેરેટ ગોલ્ડથી બનતી નથી. એ 22 કેરેટમાં બને છે અને હંમેશા 24 કેરેટ ગોલ્ડથી સસ્તી હોય છે. એટલા માટે જ્યારે પણ સોનાની જ્વેલરી ખરીદો તો એ ધ્યાનમાં રાખો કે જ્વેલર્સ તમારી પાસેથી 22 કેરેટ હિસાબથી પૈસા લઇ રહ્યો છે. જ્વેલર્સ પાસેથી સોનાની શુદ્ધતા અને કિંમતને બિલ પર જરૂરથી લખાવો. 

બિલની પાક્કી જ ચિઠ્ઠી લો
સિક્કા અથવા જ્વેલરી ખરીદતી વખતે કાચી ચિઠ્ઠી લઇને થોડાક પૈસા બચાવવાનો ટ્રેન્ડ છે. પરંતુ આ ખોટી ધારણા છે. ઘણી વખત પાછા આપતી વખતે જ્વેલર્સ જાતે જ પોતાની કાચી ચિઠ્ઠી ઓળખતા નથી એટલે પાકું બિલ જરૂરથી લો. 

શુદ્ધતા પ્રમાણપત્ર લેવાનું ભૂલશો નહીં
ગોલ્ડ જ્વેલકી ખરીદતી વખતે તમે સર્ટિફિકેટ લેવાનું ભૂલશો નહીં, સર્ટિફિકેટમાં ગોલ્ડની કેરેટ ક્વૉલિટી પણ જરૂરથી ચેક કરી લો.