રાજકારણ / રાજ્યસભાના સાંસદોમાં કોણ ધરાવે છે ગુનાહિત ઈતિહાસ અને કોની આવક છે કરોડોમાં, જાણો

• રાજ્યસભાના ચૂંટાયેલા સાંસદો ADR દ્વારા કરાયું વિશ્લેષણ
• ચૂંટાયેલા 62 સાસદોમાં 16 સાંસદો ગુનાહિત ઇતિહાસ ધરાવતા
• 11 સાંસદો હત્યા, રેપ જેવા ગંભીર ગુનાહિત ઇતિહાસ ધરાવે છે

નવા ચૂંટાયેલા 62 સાંસદોમાં 16 સાંસદો ગુનાહિત ઇતિહાસ ધરાવે છે. તેમાં પણ ચૂંટાયેલા 11 સાંસદ ઉપર તો હત્યા, રેપ જેવા ગંભીર ગુનાઓનો ઈતિહાસ છે. ભાજપમાં 2 અને કોંગ્રેસમાં 3 સાંસદો ગુનાહિત ઇતિહાસ ધરાવે છે. 3 સાંસદની સામે મહિલા સામેના અત્યાચારના ગુનાઓ દાખલ છે. 

62 સાંસદોમાંથી 52 સાંસદો કરોડપતિ સાંસદ

એ.એ.રામી રેડ્ડી 2577 કરોડની સંપત્તિ ધરાવે છે. મણિપુરના મહારાજા સાનાજાઓબા લેશેબાબા સૌથી ઓછી સંપત્તિ 5 લાખ રૂપિયા ધરાવે છે.  

ગુજરાતના આ નેતા ધરાવે છે અધધ આવક

ગુજરાતના નરહરિભાઈ અમીન સૌથી વધુ વાર્ષિક આવક ધરાવતા સાંસદ છે. નરહરી અમીનની વાર્ષિક આવક 31 કરોડ રૂપિયા છે. 62 સાંસદોમાંથી 8 મહિલા અને 56 પુરુષ સાંસદ તરીકે ચૂંટાયા છે.