ભારતમાં જલ્દી જ કોરોના વાયરસ વેક્સિનેશન પ્રોગ્રામની શરૂઆત થઇ શકે છે. ડ્રગ્સ કંટ્રોલર જનરલ ઓફ ઇન્ડિયાએ આપાતકાલિન ઉપયોગ માટે સીરમ ઇન્સ્ટીટ્યુટ ઓફ ઇન્ડિયાની કોવિશિલ્ડ અને ભારત બાયોટેકની કોવેક્સિનને મંજૂરી આપી દીધી છે. સીરમ ઇન્સ્ટીટ્યુટ ઓફ ઇન્ડિયા ભારત માટે એક્સ્ટ્રાજેનેકા-ઓક્સફોર્ડની વેક્સિન કોવિશિલ્ડનું નિર્માણ કરી રહી છે. તેને લઇને અદાર પૂનાવાલા ચર્ચામાં છે, તો આજે જાણીએ કોણ છે અદાર પૂનાવાલા.
અદાર પૂનાવાલાની લાઇફસ્ટાઇલ
નતાશા પૂનાવાલા અદારની પત્ની
જહાજમાં બનાવ્યું છે ઑફિસ
વિદેશથી કર્યો છે અભ્યાસ
અદાર પૂનાવાલા દુનિયાના વેક્સિન કિંગ તરીકે ઓળખાતા સાઇરસ પૂનાવાલાના દિકરા છે. તેમણે વિદેશથી અભ્યાસ કર્યો છે. રિપોર્ટ્સનું જો માનીએ તો અદારનું ભણતર કેંટરબરીની સેન્ટ એડમંડ સ્કુલથી થઇ છે. તે બાદ તેમણે વેસ્ટમિન્ટર યુનિવર્સિટીથી બિઝનેસમાં ગ્રેજ્યુએશન કર્યુ. વિદેશમાં ભણીને અદાર 2011માં સીઇઓ બની ગયા.
જહાજમાં બનાવ્યુ ઑફિસ
અદાર પૂનાવાલા પોતાની લગ્ઝુરિયસ લાઇફસ્ટાઇલ માટે પણ જાણીતા છે. જ્યાં સીરમ ઇન્સ્ટીટ્યુટ ઓફ ઇન્ડિયાના કેમ્પસ 100 એકડમાં ફેલાયેલુ છે. તો અદાર પાસે પોતાનું 200 એકડમાં ફેલાયેલુ અલગ ફાર્મહાઉસ છે. એક રિપોર્ટ અનુસાર અદારે પોતાની ઑફિસ એક જહાજમાં બનાવી છે. જ્યાં દરેક પ્રકારની સુવિધા ઉપલબ્ધ છે.
પ્રાઇવેટ જેટથી લગ્ઝરી કારના માલિક
અદાર પૂનાવાલા મુંબઇથી પૂણે સ્થિત કંપનીના ઓફિસ જવા માટે હેલીકોપ્ટરનો ઉપયોગ કરે છે. તેમની પાસે પ્રાઇવેટ જેટ છે. તે મોંઘી ગાડીઓના શોખીન છે અને તેમની પાસે 35 ક્લાસિક કારનું કલેક્શન પણ છે. જેમાં વિન્ટેજ સિલ્વર ક્લાઉડ અને ફેન્ટમ રોલ્સ રૉયસ પણ સામેલ છે.
માલ્યાની પાર્ટીમાં પહેલી વાર નતાશાને મળ્યા હતા
નતાશા પૂનાવાલા સાથે અદારે લગ્ન કર્યા છે. ધ ટાઇમ્સના રિપોર્ટ અનુસાર બંનેની મુલાકાત 2011માં ગોવામાં એક ન્યુ યર પાર્ટીમાં થઇ હતી. આ પાર્ટી ચર્ચિત કારોબારી વિજય માલ્યાએ આયોજીત કરી હતી. જેના કેટલાક વર્ષ બાદ બંનેએ લગ્ન કરી લીધા હતા.
નતાશા બોલિવૂડના કેટલાક સિતારાઓની પણ ખુબ નજીક છે. પ્રિયંકા ચોપરા અને નિક જોનાસને તેના બેસ્ટ ફ્રેન્ડ માને છે. નતાશા હાલ સીરમ ઇન્સ્ટિટ્યુટ ઑફ ઇન્ડિયાની એક્ઝીક્યુટીવ ડાયરેક્ટર છે. તે સિવાય નતાશા પૂનાવાલા, વિલ્લૂ પૂનાવાલા ફાઉન્ડેશન પણ ચલાવે છે.