BIG BREAKING / સૃષ્ટિ રૈયાણી હત્યા કેસમાં આરોપીને ફાંસીની સજા, છરીના 34 ઘા ઝીંકી હત્યાને આપ્યો હતો અંજામ

• સૃષ્ટિ રૈયાણીના હત્યા કેસમાં કોર્ટનો મોટો ચુકાદો
• છરીના 34 ઘા ઝીંકી સગીરાની હત્યા કરાઇ હતી
• કોર્ટે આરોપીને મૃત્યું દંડની સજા ફટકારી

જેતપુરના જેતલસરમાં સૃષ્ટિ રૈયાણીના હત્યા કેસમાં કોર્ટે મહત્વનો ચુકાદો આપ્યો છે. કોર્ટે આરોપીને ફાંસીની સજા ફટકારી છે. તમને જણાવી દઇએ કે, જેતલસર ગામે 16 માર્ચ 2021ના રોજ ધોરણ 11માં અભ્યાસ કરતી સગીરાની છરીના 34 ઘા ઝીંકીને હત્યા કરી નખાઇ હતી. આ સાથે જ વચ્ચે પડેલા તેના ભાઈ હર્ષ રૈયાણીને પણ આરોપીએ છરીના પાંચ જેટલા ઘા ઝીંકી દીધા હતા. ત્યારે આ સમગ્ર ઘટનાના ઘેરા પ્રત્યાઘાત પણ પડ્યા હતાં. જે મામલે એડીશનલ સેસન્સ કોર્ટે આજે મહત્વ પૂર્ણ ચૂકાદો આપ્યો છે. જેમાં આરોપીને મૃત્યું દંડની સજા ફટકારી છે. તેમજ હત્યાનાં પ્રયાસમાં 10 વર્ષ સજા અને 5000 દંડ, પોક્સો કેસમાં 3 વર્ષની સજા અને 2500 રૂપિયા દંડ ફટકાર્યો છે. 

રાજકોટ : જેતલસર સગીરા હત્યા કેસમાં આરોપી જયેશ સરવૈયાને જેતપુર સેસન્સ કોર્ટે મૃત્યુ દંડ (ફાંસી)ની સજા, સાથી આરોપીને હત્યા પ્રયાસમાં 10 વર્ષ સજા અને 5000 દંડ, પોકસો કેસમાં 3 વર્ષની સજા અને 2500 રૂપિયા દંડ#Rajkot #SrushtiRaiyani #vtvgujarati pic.twitter.com/nUVXr4mlsw

— VTV Gujarati News and Beyond (@VtvGujarati) March 13, 2023

જાણો શું હતો સમગ્ર મામલો?

જેતપુરના જેતલસરમાં સૃષ્ટિ રૈયાણીની તેના જ ઘરમાં હત્યા થઇ હતી
સૃષ્ટિ ધોરણ 11માં જેતપુરમાં અભ્યાસ કરતી હતી
આરોપી જયેશ સરવૈયા સૃષ્ટિ રૈયાણીના એક તરફી પ્રેમમાં હતો
સૃષ્ટિને પામવા માટે વારંવાર પ્રયાસો કરતો હતો
સૃષ્ટિના માતા-પિતા ખેતમજૂરીએ ગયાં હતાં
એકલતાનો લાભ લઇ ઘરમાં ઘૂસી સગીરાને લગ્ન માટે દબાણ કર્યું હતું
સૃષ્ટિ આરોપીના તાબે ન થતા ઢોર માર માર્યો હતો
'મારી નહીં તો કોઈની નહીં' એવું ભૂત જયેશ પર સવાર હતું
સૃષ્ટિ પર છરીના 34 જેટલા ઘા મારી હત્યા કરી હતી
સૃષ્ટિનો     વચ્ચે પડતા તેને પણ છરીના ઘા મારી ઇજા પહોંચાડી હતી
સૃષ્ટિ હત્યા કેસના પડઘા સમગ્ર રાજ્યમાં પડ્યા હતા
સ્પેશિયલ ઇન્વેસ્ટિગેશન ટીમની પણ રચના કરવામાં આવી હતી
722 દિવસ બાદ જેતપુર સેશન્સ કોર્ટે જયેશને દોષિત ઠેરવ્યો