આવકાર / ચોમાસાના આગમનની આતુરતાનો આવશે અંત, 48 કલાકમાં કેરલના આંગણે ટકોરો મારશે ચોમાસુ, જાણો હવામાનની આગાહી

• મોંઘરા મહેમાન ચોમાસાને લઈને મહત્વના સમાચાર
• 48 કલાકમાં કેરલમાં ચોમાસુ દસ્તક દેશે

જેની આતુરતાથી રાહ જોવાઈ રહી છે તે ચોમાસાના આગમનને લઈ અને મહત્વના સમાચાર સામે આવી રહ્યા છે. જેમાં હવામાન વિભાગ દ્વારા જાહેરાત કરી જણાવાયા અનુસર આગામી 48 કલાકમાં કેરલમાં ચોમાસુ દસ્તક દે તેવા સંજોગો વર્તાઈ રહ્યા છે. આઈએમમડીના જણાવ્યા અનુસાર આગામી 48 કલાકમાં કેરલમાં ચોમાસાની શરૂઆત થઇ શકે તેમ છે. 

The India Meteorological Department (IMD) says that conditions are becoming favourable for the onset of Monsoon over Kerala in the next 48 hours

Visuals from Thiruvananthapuram pic.twitter.com/mt39xiu1rQ

— ANI (@ANI) June 7, 2023

અગાઉની આગાહી ખોટી પડી

અગાઉ ચોમાસુ રવિવારે કેરલમાં પહોંચે તે અંગે જણાવ્યું હતું પરંતુ હજુ સુધી કેરલમાં ચોમાસાની શરૂઆત થઈ નથી. ત્યારે ભારતીય હવામાન વિભાગ દ્વારા બાદમાં ચોમાસા વિલંબામાં ત્રણથી ચાર દિવસનો ઉલ્લેખ કરાયો હતો. તેમજ દક્ષિણ પશ્ચિમ ચોમાસુ સામાન્ય રીતે કેરલમાં એક જૂને આવે અને સાત દિવસ વહેલું અથવા સાત દિવસ પછી શરૂ થાય તેવું જણાવ્યું હતું.

હવામાન વિભાગે કહ્યું હતું કે...

મેના મધ્યમાં, ભારતીય હવામાન વિભાગ (IMD) એ કહ્યું હતું કે ચોમાસું 4 જૂન સુધીમાં કેરળમાં આવી શકે છે. જોકે હજુ સુધી ચોમાસાના આગમનના એંધાણ થયા નથી. IMD ના જણાવ્યા અનુસાર 4 જૂને પશ્ચિમી પવનોની ઊંડાઈ સરેરાશ દરિયાની સપાટીથી 2.1 કિમી સુધી પહોંચી ગઈ હતી. ચોમાસાની શરૂઆતમાં વિલંબ થાય તો દેશમાં ખરીફની વાવણી અને સીઝનના કુલ વરસાદને પણ પ્રતિકૂળ થવાની શક્યતા નથી, તેવો વૈજ્ઞાનિકોએ દાવો કર્યો છે. અત્રે નોંધનીય છે કે ચોમાસું ગયા વર્ષે 29 મે, 2021ના રોજ કેરલમાં આવ્યું હતું. અગાઉ અલ નીનો સ્થિતિને લઈને ભારતમાં દક્ષિણ પશ્ચિમ ચોમાસા દરમિયાન સામાન્ય વરસાદ થવાની ધારણા  IMD એ અગાઉ ધારણા બાંધી હતી.