બેદર'કાર' / વડોદરા મનપાની કચરાની ગાડી નીચે 6 વર્ષનું બાળક કચડાયું, ડ્રાઈવરની બેદરકારીના કારણે બની ઘટના

• VMCની ગાડી નીચે કચાડયું બાળક
• કચરાની ગાડીએ લીધો બાળકનો ભોગ
• ગાડી રિવર્સ લેતા બાળક ગાડી નીચે આવી ગયુ 

વડોદરામાં ડ્રાઈવરની બેદરકારીને કારણે એક ગોઝારી ઘટના બની છે. વડોદરા મનપાની કચરાની ગાડી નીચે આવી જતા બાળકનું કમકમાટી ભર્યું મોત નીપજ્યું છે. ડોર ટુ ડોર કચરો ઉઘરાવતી ગાડીએ રિવર્સ લેતા ત્યાં રમતું બાળક ગાડી નીચે ચગદાઇ ગયું છે. તાંદલજા વિસ્તારમાં સમીમ પાર્કમાં બનેલી આ ઘટનાથી કચરો એકઠો કરતી ગાડીના ડ્રાઈવરની લાપરવાહી સામે સવાલો ઊભા થઈ રહ્યા છે. સવારના સમયે સમીમ પાર્ક ખાતે કચરા કલેકશન માટે ગાડી આવી હતી  ત્યારે 6 વર્ષનું આ બાળક ફળિયામાં પોતાની ધૂનમાં રમતું હતું. અચાનક કચરો લેવા આવેલી ગાડીના ડ્રાઇવરે જોયા વગર ગાડી રિવર્સમાં લેતા બાળક ગાડી નીચે આવી ગયું હતું અને તરફળિયા મારતું હતું. 

શું છે સમગ્ર બનાવ? પોલીસે શું કહ્યું 
પોલીસના જણાવ્યા અનુસાર..આજ રોજ જી પી રોડ પોલીસ સ્ટેશનના તાંદલજામાં નિમપાર્ક સોસાયટી છે જેમાં સવારે કચરો એકઠો કરવા મનપાની ગાડી આવે છે. ગાડીનો જે ડ્રાઈવર છે તે એક ગલીમાં કચરો ભેગી કરતી ગાડી લઈ જતો હતો. એ દરમિયાન ગાડી રિવર્સ કરતા ત્યાં સોસાયટીમાં રમતું 5-6 વર્ષનું બાળક ગાડીની નીચે આવી ગયું હતું. અને ગાડી ઉપર ચડી જવાથી તેણે ગંભીર ઈજાઓ પહોંચી હતી. હોસ્પિટલ લઈ જતા સુધીમાં બાળકે અધવચ્ચે જ દુનિયા છોડી દીધી હતી. 

પોલીસે ગુનેગાર ડ્રાઇવરને કસ્ટડીમાં લીધો
આ સંબંધે જે વાહન ચાલક છે તેને પોલીસે તાત્કાલિક કસ્ટડીમાં લઈ લીધો છે. આ અકસ્માતમાં આગળનો ગુનો દાખલ કરવાની કાર્યવાહી હાલ હાથમાં લેવામાં આવી છે. આ ગુનાહિત બેદરકારી છે. ચાલકે રિવર્સ ગાડી લે ત્યારે પુરુતું ધ્યાન રાખવું જરૂરી છે. IPC કલમ 304અ હેઠળનો ગુનો દાખલ કરવામાં આવ્યો છે.