દુર્ઘટના / કંપારી છૂટી જાય તેવી ઘટના: વડોદરામાં ડમ્પરે બાઇક ચાલકને લીધો અડફેટે, 3 લોકોના ઘટના સ્થળે મોત

• વડોદરાના કરજણમાં અકસ્માતમાં 3 લોકોના મોત
•  ડમ્પર ચાલકે બાઈકને લીધુ અડફેટે
• બાઈક પર સવાર ત્રણેય વ્યક્તિના સ્થળ પર મોત

એક તરફ ઇન્ફ્રાસ્ટક્ટરનું ડેવલપમેન્ટ થઇ રહ્યું છે તો બીજી તરફ અકસ્માતોની વણઝાર પણ વધી રહી છે.  ક્યાંક ફુલ સ્પીડના ચક્કરમાં તો ક્યાંક રોંગ સાઇડને કારણે અકસ્માતો બને છે. ત્યારે વડોદરાના કરજણમાં ગમખ્વાર અકસ્માત થયો હોવાનું સામે આવ્યું, જેમાં બાઇક પર સવાર 3 લોકોના ઘટના સ્થળે મોત નીપજ્યા.

કરજણમાં અકસ્માતમાં 3નો મોત 

વડોદરાના કરજણમાં ડમ્પર ચાલકે બાઇકને અડફેટે લેતા 3 લોકોના મોત નીપજ્યા હોવાનું સામે આવ્યું છે. નારેશ્વરના પાલેજ રોડ પરની આ ઘટના છે. ભરુચના જનોડ ગામથી કરજણના વાસણા ગામ તરફ બાઇક સવાર જઇ રહ્યા હતા તે સમયે એક ડમ્પર ચાલકે ટક્કર મારતા બાઇક પર સવાર ત્રણેય લોકોના ઘટના સ્થળે જ મોત નીપજ્યા.  બાઈક સવાર ત્રણેય ભરૂચ જિલ્લાના જનોડ ગામના રહેવાસી હોવાનું સામે આવ્યું છે. ઘટનાને પગલે કરજણ પોલીસે વધુ તપાસ હાથ ધરી છે. 

ત્રિપલ સવારી કરનારા સાવધાન 

ડમ્પર ચાલકે અડફેટે લેતા બાઇક પર સવાર 3લોકોના મોત નીપજ્યા પરંતુ બાઇક પર ત્રિપલ સવારી કરનારા માટે પણ આ ચેતવણીરુપ કિસ્સો છે. બાઇક પર 3 અને 4 લોકો જનારા લોકો સાવધાન થઇ જજો,.ટ્રાફિકના નિયમોનું પાલન કરો. બાઇક પર બે કરતા વધારે લોકોએ બેસવું જોખમી છે.

રીક્ષા-બાઇક અને ડમ્પર વચ્ચે અકસ્માત

આ તરફ બનાસકાંઠાના ડીસાના ગાયત્રી મંદિર પાસે ત્રિપલ અકસ્માત થયો હતો.રીક્ષા, બાઈક અને ડમ્પર વચ્ચે અકસ્માત થતા બાઇક સવારનું મોત નીપજ્યુ હતું. જ્યારે અન્ય એક ઇજાગ્રસ્ત થતા સારવાર અર્થે હોસ્પિટલ ખસેડાયો હતો. ઘટનાને પગલે લોકોના ટોળેટોળા ઉમટી પડ્યા હતા.  

પાલનપુરના ચેકપોસ્ટ નજીક ગમખ્વાર અકસ્માત

બે દિવસ અગાઉ પાલનપુર ચેકપોસ્ટ નજીક ગમખ્વાર અકસ્માત થયો હતો. જેના સીસીટીવી દ્રશ્યો સામે આવ્યા હતા. 2 કારને અડફેટે લઇને ટ્રક સીધી હોટલમાં ઘુસી ગઇ હતી.  ટ્રકની અડફેટે 2 કાર પણ પલટી ગઇ હતી. અકસ્માતમાં એકનું મૃત્યુ જ્યારે 3થી વધારે લોકો ઘાયલ થયા હતા. આ હોટલમાં આવી ઘટના ત્રીજી વખત બની હતી. અગાઉ પણ અનેકવાર ટ્રક હોટલમાં ઘુસી ગઇ હોવાનું સામે આવી ચૂક્યું છે.