દ્વારકાના ખંભાળિયા-જામનગર હાઈ-વે પર અકસ્માત થયો છે. એક કાર ચાલકે સાઈકલ સવારને અડફેટે લીધો છે. જેમાં સાઈકલ ચાલકનું ઘટનાસ્થળે જ મોત નિપજ્યું છે.
આ ઘટના અંગે મળતી જાણકારી મુજબ એક સાઈકલ સવાર વ્યક્તિ રોડ ક્રોસ કરવાનો પ્રયાસ કરી રહ્યો છે. તે સમયે જ એક કાર ઓવર સ્પીડમાં આવી અને સાઈકલ સવાર વ્યક્તિને અડફેટે લેતા તે હવામાં ફંગોળાયો હતો. જેમાં સાઈકલ સવારનું ઘટનાસ્થળે જ મોત નિપજ્યું છે.
ઉલ્લેખનીય છે કે દ્વારકાના ખંભાળિયા-જામનગર હાઈ-વે પર એક કાર ચાલકે સાઇકલ સવારને અડફેટે લેતા ચાલકનું ઘટના સ્થળે જ મોત થયું હતું. સાઇકલ ચાલક જ્યારે રોડ ક્રોસ કરી રહ્યો હતો ત્યારે પુરપાટ ઝડપે આવતી કારે ચાલકને અડફેટે લીધો હતો જેના પગલે ઘટનાસ્થળે જ મોત નિપજ્યું હતું.
આપને જણાવી દઇએ કે હજી ચાર દિવસ પહેલા જ ખંભાળિયા-જામનગર રોડ પર અકસ્માતની ઘટના બની હતી. જેમાં એક બાઇક ચાલક સાથે કાર અથડાઇ હતી. ખંભાળિયા-જામનગર લાખાબાવળ ગામના પાટિયા પાસે કારે બાઇકને અડફેટે લેતા જામનગરના વેપારીને ગંભીર ઇજા થતાં તેનું મોત નીપજ્યું હતું.