માતા-પિતા માટે ચેતવણીરૂપ કિસ્સો / PUBGના માધ્યમથી થાય છે શારીરિક શોષણ, કેસ જાણી પોલીસ પણ અચંબિત

• ઓનલાઈન ગેમની જાળમાં ફસાઈ યુવતી
• બાળકોમાં હોય છે ગેમ રમવા પાછળું ઘેલું
• ઓનલાઈન ગેમના ચક્કરમાં યુવતીઓ બની રહી છે શિકાર

બિહારના પટનામાંથી એક ચોંકાવનારો મામલો સામે આવ્યો છે. અહીં ફુલવાડી શરીફ વિસ્તારની એક યુવતીએ પોલીસ ફરિયાદ નોંધાવી કે, એક શખ્સે તેને ચાર વર્ષ સુધી બ્લેકમેલ કરીને તેની સાથે શારીરિક શોષણ કર્યું હતું. પોલીસે યુવતીની ફરિયાદ પર આરોપીને અરેસ્ટ કરી લીધો છે.

અશ્લીલ વીડિયો ઉતારી બ્લેકમેલ કરતો

આરોપી એક ઓનલાઈન ગેમર છે. તે છોકરીઓના અશ્લીલ વીડિયો બનાવીને તેને બ્લેકમેઈલ કરતો હતો. પોલીસે આરોપીને ધનૌત પોલીસ સ્ટેશનના રૂપસપુરથી અરેસ્ટ કરી લીધો છે. આરોપીનું નામ રિતિક રાજ છે. ફુલવાડી શરીફ પોલીસ મથકના હેડ રાફિકુર રહમાન પાસે જ્યારે આ મામલાની ફરિયાદ આવી તો, તેમણે ગંભીરતા લેતા આરોપીની ધરપકડ કરી હતી. આરોપીના મોબાઈલમાં 100થી વધારે અશ્લીલ વીડિયો હતાં. તેને ળઈને યુવતીને બ્લેકમેલ કરતો હતો. સાથી જ તેની પાસેથી નશીલા પદાર્થ પણ જપ્ત કરવામા આવ્યા છે. પોલીસે આરોપી વિરુદ્ધ ફરિયાદ નોંધી લીધી છે અને આગળની કાર્યવાહી કરવામાં આવી રહી છે.

ઓનલાઈન ગેમ પબજીના માધ્યમથી સંપર્કમાં આવ્યો

સબ ઈંસ્પેક્ટર રોશન કુમાર સિંહે જણાવ્યું કે, છોકરીની મુલાકાત આ યુવક સાથે ઓનલાઈન ગેમ પબજીના માધ્યમથી થઈ હતી. છોકરીએ જણાવ્યુ કે, તેના ફોટાને લઈને પહેલા બ્લેકમેલ કરી, બાદમાં તેની સાથે યૌન શોષણ કરતો રહ્યો. આ દરમિયાન યુવકે છોકરીના કેટલાય વીડિયો બનાવી તેને બ્લેકમેલ કરતી રહી.યુવતીએ જણાવ્યું હતું કે, આરોપી રિતિકે તેને મોબાઈલ હૈક કરી કરી તેના નામથી ફેક ઈંસ્ટાગ્રામ અકાઉન્ટ પણ બનાવ્યું હતું. તેમાં આરોપીએ યુવતીના અશ્લીલ વીડિયો નાખ્યા હતા. અને બ્લેકમેલ કરતો રહેતો હતો. તે યુવતી પાસેથી પૈસા માગતો હતો. યુવતીના નામ પર હોટલ બુક કરીને ત્યાં તેની સાથે બળજબરી પૂર્વક સંબંધ બાંધતો.

પોલીસે જ્યારે કડકાઈથી પૂછ્યું તો, તેણે આ તમામનો વાતનો સ્વિકાર કર્યો. સાથે જ જણાવ્યું કે, તેણે અન્ય કેટલીય છોકરીઓ સાથે આવું જ કર્યું છે.