વાપસી / આ શાનદાર ખેલાડીની RCBમાં થશે વાપસી? વિરાટ કોહલીએ આપ્યા મોટા સંકેત

• આવતા વર્ષે RCBમાં થઇ શકે છે એબી ડીવિલિયર્સની વાપસી 
• વિરાટ કોહલીએ આપ્યા સંકેત 
• વિરાટ કોહલી અત્યંત ખરાબ ફોર્મમાં 

વિરાટ કોહલીને આશા છે કે તેમના મિત્ર અને દક્ષિણ આફ્રિકાનાં સ્ટાર પ્લેયર એબી ડિવિલિયર્સ આવતા વર્ષે રોયલ ચેલેન્જર્સ બેંગ્લોરની ટીમમાં પાછા ફરશે. એબી ડિવિલિયર્સ આરસીબીનું અભિન્ન અંગ હતા, પરંતુ ગયા વર્ષે ક્રિકેટનાં બધા ફોર્મેટ્સથી તેમણે સન્યાસ લઇ લીધો હતો. 

RCBસાથે ફરી જોડાઈ શકે છે એબી ડિવિલિયર્સ
વિરાટ કોહલીએ RCBનાં ટ્વીટર હેન્ડલ પર હલકા ફૂલકા અંદાજમાં કરવામાં આવેલ વાતમાં કહ્યું કે મને એબી ડિવિલિયર્સની ખૂબ જ યાદ આવે છે. હું એબી ડિવિલિયર્સ સાથે નિયમિત રૂપે વાત કરું છું. તેઓ હાલમાં જ પોતાના પરિવાર સાથે ગોલ્ફ જોવા અમેરિકા ગયા હતા. તેઓ આરસીબીનાં પ્રદર્શન પર નજર રાખે છે અને આવતા વર્ષે ટીમ સાથે હશે. 

Interview of the year! Catch Virat Kohli in a relaxed, honest and fun avatar, even as Mr. Nags tries to annoy him just like he’s done over the years. 😎🤙

Tell us what the best moment from this interview was for you, in the comments section. 👨‍💻#PlayBold #IPL2022 #RCB #ನಮ್ಮRCB pic.twitter.com/vV6MyRDyRt

— Royal Challengers Bangalore (@RCBTweets) May 11, 2022

 

ખરાબ ફોર્મમાં કોહલી 
વિરાટ કોહલી આઈપીએલમાં સૌથી ખરાબ ફોર્મ સાથે ઝઝૂમી રહ્યા છે અને 12 મેચમાં 216 રન જ બનાવી શક્યા છે. તેઓ ત્રણ વાર શૂન્ય પર આઉટ થયા હતા. કોહલીએ કહ્યું કે મારી કરિયરનાં આવું ક્યારેય નથી બન્યું. હું બસ હસી દઉં છું. મને લાગે છે કે રમત મને જે કંઈ બતાવવા માંગે છે, તે બતાવી ચુકી છે. 

ટીકાકારોથી કોહલીને કોઈ ફરક પડતો નથી 
વિરાટ કોહલીએ કહ્યું કે તેઓ લોકોની વાતો પર ધ્યાન આપતા નથી અને ટીકાકારોની અવગણના કરે છે. વિરાટ કોહલીએ કહ્યું કે તેઓ મારી જગ્યા નહીં લઇ શકે અને હું જે વિચારું છુ, એમ નહીં વિચારી શકે. તે ક્ષણોને નહીં જીવી શકે. હું ટીવીનો અવાજ બંધ કરી દઉં છુંઅથવા તેમની વાતો પર ધ્યાન આપતો નથી. કોહલીનાં આરસીબીની કપ્તાની છોડ્યા બાદ ફાફ ડુ પ્લેસીએ આ કામ સંભાળ્યું. કોહલીએ કહ્યું કે ફાફ અને હું એક બીજાનું સન્માન કરીએ છીએ. અમારી વચ્ચે ખૂબ જ સારો તાલમેલ છે.