IPL 2020 / 8 અલગ-અલગ ફ્રેન્ચાઈઝી માટે રમનારો પ્રથમ ખેલાડી બન્યો આ ક્રિકેટર, રચ્યો ઈતિહાસ

• આ ખેલાડીએ IPLમાં તમામ 8 ટીમમાં સ્થાન મેળવી બનાવ્યો રેકોર્ડ
• 8 અલગ-અલગ ફ્રેન્ઝાઈઝી તરફથી રમનાર પહેલો ખેલાડી બન્યો ફિંચ
• 2018ની હરાજીમાં ફિંચને કિંગ્સ ઇલેવન પંજાબે ખરીદ્યો હતો

ઓસ્ટ્રેલિયન ઓપનર ફિંચે 2010માં રાજસ્થાન રોયલ્સ તરફથી રમીને આઈપીએલ કારકિર્દીની શરૂઆત કરી હતી. ત્યારબાદ આગામી બે સીઝન માટે તે દિલ્હી ડેરડેવિલ્સ ટીમમાં રહ્યો હતો. ત્યારબાદની હરાજીમાં પૂણે વોરિયર્સની ટીમે તેને ખરીદ્યો હતો. જ્યારે આઈપીએલ 2014માં તે સનરાઇઝર્સ હૈદરાબાદ અને 2015માં મુંબઇ ઇન્ડિયન્સ તરફથી મેદાનમાં ઉતર્યો હતો. 

2018ની હરાજીમાં ફિંચને કિંગ્સ ઇલેવન પંજાબે ખરીદ્યો હતો

વર્ષ 2016માં એરોન ફિંચ ગુજરાત લાયન્સની ટીમમાં રહ્યો હતો. આઈપીએલમાંથી ગુજરાતની બહાર થયા બાદ તે લીગની આગામી સીઝનમાં કોઈ ટીમમાં રહ્યો ન હતો. 2018ની હરાજીમાં તેને કિંગ્સ ઇલેવન પંજાબે ખરીદ્યો હતો. ફિંચ સિવાય કોઈ એવો ખેલાડી નથી કે, જે આઈપીએલની 6થી વધુ ટીમોનો ભાગ રહ્યો હોય. યુવરાજ સિંહ અને પાર્થિવ પટેલ આઈપીએલની 6 ટીમોનો ભાગ રહી ચૂક્યા છે. ફિંચના આગમનથી આરસીબીની બેટિંગ લાઇન-અપ વધુ મજબૂત બની છે. આ ટીમમાં વિરાટ કોહલી અને એબી ડીવિલિયર્સ જેવા વિસ્ફોટક બેટ્સમેન છે.