તમારા કામનું / હવે ઓફલાઈન પણ થશે Aadhaar Cardનું Verification, જાણો શું છે પ્રોસેસ

• હવે ઓફલાઈન કરી શકાશે આધાર વેરિફિકેશન 
• UIDAIએ નોટિફિકેશન જાહેર કરી
• જાણો શું છે પ્રોસેસ 

હવે લોકો UIDAI દ્વારા જનરેટ કરવામાં આવેલ ડિજિટલી હસ્તાક્ષરિત દસ્તાવેજ શેર કરીને તેમના આધારનું વેરિફિકેશન ઑફલાઇન પણ કરી શકશે. આ ડોક્યુમેન્ટમાં ધારકને સોંપવામાં આવેલા આધાર નંબરના ફક્ત છેલ્લા ચાર અંક આપવાના રહેશે. સરકાર દ્વારા જાહેર કરવામાં આવેલા નવા નિયમોમાં તેની જાણકારી આપવામાં આવી છે. 

આધારનું થશે ઓફલાઈન વેરિફિકેશન 
આધાર વિનિયમ-2021ને આઠ નવેમ્બરે સુચિત કરવામાં આવ્યું હતું અને મંગળવારે તેને ઓફિશયલ વેબસાઈટ પર પ્રકાશિત કરવામાં આવ્યું. જેમાં ઇ-કેવાયસી પ્રક્રિયા માટે આધારની ઑફલાઇન ચકાસણીને સક્ષમ કરવા માટે વિસ્તૃત પ્રક્રિયા બનાવવામાં આવી છે.

UIDAIએ ઓનલાઈન વેરિફિકેશન પર હાલના તંત્ર ઉપરાંત ક્યુઆર કોડ વેરિફિકેશન, વગર કાગળના આધારની ઓફલાઈન ઈ-કેવાઈસી વેરિફિકેશન, ઈ-આધાર વેરિફિકેશન, ઓફલાઈન કાગળ આધારિત વેરિફિકેશન અને સમય સમય પર પ્રાધિકરણ દ્વારા શરૂ કરવામાં આવેલા કોઈ પણ અન્ય પ્રકારના ઓફલાઈન વેરિફિકેશનને જોડ્યું છે.

કેમ જરૂરી છે આધાર વેરિફિકેશન 
આજના સમયમાં આધાર વેરિફિકેશન સૌથી વધારે જરૂરી છે. મોટાભાગે જોવામાં આવ્યું છે કે ઓનલાઈન માધ્યમના આધાર પર રજીસ્ટ્રેશન કરતી વખતે અમુક ભુલો થઈ જાય છે. એવામાં એ ભૂલોને સુધારવા અને તેની જાણકારી મેળવવા માટે આધાર વેરિફિકેશન કરવાની જરૂર હોય છે. તેમાં ભવિષ્યમાં આપણે કોઈ પણ પ્રકારની સમસ્યા નથી થતી.