કામની વાત / ચૂંટણી કાર્ડ સાથે આધાર કાર્ડ જોડવાના અભિયાનનો શુભારંભ, જાણી લો સમગ્ર પ્રક્રિયા

• મતદારોના ચૂંટણી કાર્ડ આજથી આધાર કાર્ડ સાથે જોડાશે
• આધાર કાર્ડ સાથે ચૂંટણી કાર્ડ જોડવાનું સ્વૈચ્છિક છે
• આ રીતે કરી શકશો આ કામ

જો કોઈ મતદાર પોતાનું નામ આધાર કાર્ડ સાથે જોડવા માગે છે, તો તેની પ્રક્રિયા આજથી શરૂ થઈ ગઈ છે. ભારતીય ચૂંટણી પંચના નિર્દેશથી આજથી મતદારોના ચૂંટણી કાર્ડ આધાર કાર્ડ સાથે જોડવાનું અભિયાન શરૂ થઈ રહ્યું છે. જો કે, તે સ્વૈચ્છિક હશે, તથા તેના માટે મતદારોને ફરજિયાતપણે કરવા માટે બંધાયેલા નથી. રાજ્યોમાં બૂથ લેવલ ઓફિસર દ્વારા મતદાન કેન્દ્રો પર તથા ઘરે ઘરે જઈને મતદારોને સ્વેચ્છિક રીતે આધાર નંબર ફોર્મ 6 B એકત્રિત કરશે.

આધાર કાર્ડ સાથે શા માટે જોડવામાં આવી રહ્યું છે મતદારોનું નામ

મોદી સરકાર વધુ એક નવી પહેલ શરૂ કરવા જઈ રહી છે. આ અભિયાનનો ઉદ્દેશ્ય એ નક્કી કરવા માટે છે કે, કોઈ પણ વ્યક્તિ બે સ્થાન પર મતદાન ન કરે અને મતદારોની યાદીને સ્વચ્છ અને પારદર્શી બનાવી શકાય. મતદારો સ્વયં પણ પોતાના આધાર કાર્ડને મતદાતા એપ વોટર હેલ્પ લાઈન અથવા ભારતીય ચૂંટણી પંચ દ્રારા વિકસાવેલા ઓનલાઈન એનવીએસપી પોર્ટલ પર લિંક કરાવી શકશે. મતદારોની યાદીને આધાર કાર્ડ સાથે જોડવાનું કામ 31 માર્ચ 2023 સુધીમાં પૂર્ણ થઈ જશે. તેના માટે દરેક મતદાર પોતાની વ્યક્તિગત જવાબદારી સમજીને જિલ્લા ચૂંટણી કાર્યાલયના સમર્થન કરીને પોતાના વોટને આધાર કાર્ડ સાથે લિંક કરાવે.

આ લોકો આધાર કાર્ડ સાથે જોડાવા માટે યોગ્ય હશે

 

• નવા વોટ માટે જે વ્યક્તિની ઉંમર 1 જાન્યુઆરી 2023ના રોજ 18 વર્ષ અથવા તેનાથી ઉપરની છે, તે પ્રકાશિત મતદાર યાદીમાં પોતાનું નામ નથી, તે પોતાના વિસ્તારની સંબંધિત જિલ્લા ચૂંટણી કાર્યાલયમાંથી ફોર્મ નંબર 6 ભરીને અરજી કરી શકશે
• કોઈ પણ મતદારનુ નામ મતદાર યાદીમાં હટાવવા માટે ફોર્મ નંબર 7, આધાર કાર્ડથી જોડવા માટે ફોર્મ નંબર 6 તથા મતદાર યાદીમાં નામ સુધારણા તથા વેરિફાઈ કરવા માટે ફોર્મ નંબર 8 ભરીને આપવાનુ રહેશે.
• મતદાર યાદીમાં પોતાનું નામ ચેક કરવા અથવા અન્ય જાણકારી માટે વેબસાઈટ ચૂંટણી પંચની સત્તાવાર વેબસાઈટ પર જઈ શકે છે. તથા મતદાર ખુદ ફોર્મ ભરીને મતદાર યાદીમાં પોતાનું નામ નોંધાવી શકે છે.