આધાર કાર્ડ ધારકો માટે એક રાહતના સમાચાર સામે આવ્યાં છે. ઘણી વખત આધાર કાર્ડની જરૂરીયાત હોય છે. પરંતુ મોબાઈલ નંબર રજીસ્ટર્ડ ના હોવાના કારણે આધાર કાર્ડ ડાઉનલોડ થતુ નથી. જોકે, હવે મોબાઈલ નંબર રજીસ્ટર્ડ નહીં હોય તો પણ તમે તમારું આધાર કાર્ડ ડાઉનલોડ કરી શકો છો.
આધાર કાર્ડ ધારકો માટે એક રાહતના સમાચાર
તમારો મોબાઈલ નંબર રજીસ્ટર્ડ નહીં હોય તો પણ થશે આધાર કાર્ડ ડાઉનલોડ
આધાર જાહેર કરનારી યૂનિક આઈડેન્ટિફિકેશન ઓથોરિટી ઓફ ઈન્ડિયાએ જાહેરાત કરી છે. આ પગલું એવા લોકો માટે ઉઠાવવામાં આવ્યું છે, જેનો મોબાઈલ નંબર રજીસ્ટર થયો નથી. પહેલા યૂઝર્સને આધાર કાર્ડ ડાઉનલોડ કરવા માટે આધાર સાથે જોડાયેલા રજીસ્ટર્ડ મોબાઈલ નંબરની જરૂર પડતી હતી. આવો, જાણીએ કે મોબાઈલ નંબર વગર તમે આધાર કાર્ડને કેવીરીતે ડાઉનલોડ કરી શકો છો.
જાણો, આધાર ડાઉનલોડ કરવાની સરળ પ્રક્રિયા
જેના માટે તમારે સૌપ્રથમ યુઆઈડીએઆઈની સત્તાવાર વેબસાઈટ પર જવુ પડશે અને માય આધાર પર ટેપ કરે.
હવે તમે આર્ડર આધાર પીવીસી કાર્ડ પર ક્લિક કરો.
હવે તમને અહીં 12 આંકડાનો આધાર નંબર નોંધવા માટે કહેવામાં આવશે.
અહીં તમે આધાર નંબરના બદલે 16 આંકડાનો વર્ચ્યુઅલ આઈડેન્ટિફિકેશન નંબર પણ નોંધી શકો છો.
આ પ્રક્રિયા બાદ તમને આપવામાં આવેલુ સુરક્ષા અથવા કેપ્ચા કોડ નોંધે.
જો તમે રજીસ્ટર મોબાઈલ નંબર વિના કાર્ડ ડાઉનલોડ કરવા માંગો છો, તો મેરા મોબાઈલ નંબર પંજીકૃત નહીં હૈના વિકલ્પ પર ક્લિક કરો.
હવે તમે તમારો વૈકલ્પિક નંબર અથવા ના નોંધેલો હોય તેવો મોબાઈલ નંબર નોંધો.
હવે સેન્ડ ઓટીપી પર ક્લિક કરો.
હવે તમે નોંધેલા વૈકલ્પિક નંબર પર વન ટાઈમ પાસવર્ડ આવશે.
ત્યારબાદ તમે નિયમ અને શરત ચેકબોક્સ પર ક્લિક કરો અને પછી અંતમાં સબમિટ પર ક્લિક કરો.
હવે તમને એક નવા પેજ પર રીડાયરેક્ટ કરવામાં આવશે.
રીપ્રિન્ટિંગના વેરિફીકેશન માટે તમારે અહીં પ્રિવ્યૂ આધાર લેટરનો વિકલ્પ મળશે.
ત્યારબાદ તમે મેક પેમેન્ટનો વિકલ્પ પસંદ કરી શકો છો.