અમદાવાદ KCGના કાર્યક્રમમાં 22 લોકોને ભાવનગરથી સ્પેશિયલ એવોર્ડ લેવા બોલાવ્યા હતા જે બાદ ટીમ વતી ટીમ લીડર જ સ્ટેજ પર જઈ એવોર્ડ લઈ શકશે તેવી જાહેરાત થતા યુવતીને માઠું લાગ્યું હતું
અમદાવાદ KCGના કાર્યક્રમમાં હોબાળો
શિક્ષણમંત્રી જીતુ વાઘાણીની હાજરીમાં હોબાળો
ઇનામ લેવા માત્ર ટીમ લીડરને સ્ટેજ પર બોલાવતા કર્યો હોબાળો
અમદાવાદ KCGના કાર્યક્રમમાં ભાગ લેવા શિક્ષણ મંત્રી જીતુ વાઘાણી પહોંચ્યા હતા. જ્યાં કાર્યક્રમ દરમિયાન એક યુવતીએ હોબાળો કર્યો હતો. જીતુ વાઘાણી હાજર હતા અને ભાવનગરથી આવેલી યુવતી કાર્યક્રમના સંચાલકોસાથે માથાકૂટ કરી રહી હતી. ઇનામ લેવા માત્ર ટીમ લીડરને સ્ટેજ પર બોલવતા યુવતીની માઠું લાગ્યું હતું. યુવતીની રજૂઆત હતી કે ભાવનગરથી અહી ધક્કો સ્પેશયલ એવોર્ડ લેવા ખાધો છે પણ અહી તો માત્ર ટીમ લીડરને સન્માન મળ્યું. તો તેઓને શા કારણે બોલાવવામાં આવ્યા.સમગ્ર ટીમને ભાવનગરથી બોલાવી તો પછી સ્ટેજ પર એક જ કેમ? શિક્ષણમંત્રીની હાજરીમાં યુવતીએ બોલવાની હિંમત કરી હતી જો કે થોડા વિરોધ બાદ યુવતી જગ્યા પર બેસી ગઈ હતી.
ભાવનગરથી અમને ધક્કો ખવડાવ્યો: હોબાળો કરનાર યુવતી
હેકાથોનની વિજેતા ટીમને ભાવનગરથી બોલાવવામાં આવી હતી. પરંતુ ઈનામ લેવા સ્ટેજ પર માત્ર 1 ટીમ મેમ્બરને બોલાવવામાં આવતા હાજર ટીમની અન્ય યુવતીઓએ વિરોધ કર્યો હતો. ભાવનગરથી આવેલી યુવતી મીડિયા સાથેની વાતમાં કહ્યું હતું કે અમને ભાવનગરથી અહિયાં જીતુભાઈના હસ્તે એવોર્ડ લેવા બોલાવ્યા છે પણ અહી આવતા કાર્યક્રમના સંચાલકો દ્વારા એવું કહેવામાં આવ્યું કે ફક્ત એક જ વ્યક્તિ સ્ટેજ પર જઈ શકશે અન્ય લોકો એવોર્ડ લેવા નહીં જઈ શકે. ભાવનગરથી સ્પેશ્યલ એવોર્ડ લેવા આવેલી યુવતી અને તેની સાથે આવેલી અન્ય યુવતીઓ પણ આ નિર્ણયથી ના ખુશ થઈ હતી. અને ઇનામ લેવા માત્ર ટીમ લીડરને સ્ટેજ પર બોલાવતા જીતુ વાઘાણીની હાજરીમાં હોબાળો શરૂ કર્યો હતો.વાઘાણીએ કાર્યક્રમ બાદ મળી રજૂઆત સાંભળવાની પણ વાત કહી હતી.
ધો. 1 થી 5ના વર્ગો શરૂ કરવા મુદ્દે શિક્ષણમંત્રીનું નિવેદન
સરકારના તમામ વિભાગો સાથે બેઠક કરી ધો. 1 થી 5ના વર્ગો શરૂ કરવા અંગે વિચારણા કરવામાં આવશે તેવુ નિવેદન શિક્ષણમંત્રી જીતુ વાઘાણી દ્વારા કરવામાં આવ્યું હતું. આગામી સમયમાં ઓફલાઇન વર્ગો શરૂ કરવા કે ન કરવા તે અંગે નિર્ણય બેઠકમાં લેવાશે તેવી વાત પણ કરી હતી. સાથે જ ધોરણ 9 થી 12ના પુસ્તકો અંગે કોર્ટમાં ચાલતા કેસ અંગે પણ વાત કરી હતી અને કહ્યું હતું કે 17 સપ્ટેમ્બરે કોર્ટમાં કેસ પૂર્ણ થયો છે. 15 દિવસમાં બાકીના પુસ્તકો મળી જશે. સ્કૂલોમાં ધોરણ 1 થી 8 ના પુસ્તક પહોંચી ગયા છે.