માઠા સમાચાર / પેટ્રોલ સહિત આ તમામ ચીજોના ભાવ વધશે, યુદ્ધ થશે તમારા ખિસ્સા પર પડશે માર

• જો યુદ્ધ થયું વિશ્વને તેની ભારે કિંમત ચુકવવી પડશે 
• પેટ્રોલ સહિતની વસ્તુઓના ભાવમાં થશે વધારો 
• ગ્લોબલ જીડીપીને પણ ભારે અસર થવાની શક્યતા 

રશિયા અને યુક્રેન વચ્ચે ગમે ત્યારે યુદ્ધ થઈ શકે તેવી સ્થિતી સર્જાઈ છે. ત્યારે જો આ યુદ્ધ થયુ તો વિશ્વના અર્થતંત્ર પર તેની મોટી અસર થઈ શકે છે. ખાસ કરીને આ યુદ્ધને કારણે ક્રુ઼ડ ઓઈલના ભાવ વધી શકે છે. બેઝ મેટલની કિંમત પણ વધવાની શક્યતા છે. રશિયા ઘઉની નિકાસ કરતો વિશ્વનો સૌથી મોટો દેશે છે. જેથી યુદ્ધ થશે તો ઘણા બધા દેશોને ઘઉ મળવા મુશ્કેલ બની જશે. 

યુદ્ધની અસર ભારતની આયાત નિકાસ પર પડશે 

જો રશિયા અને યુક્રેન વચ્ચે યુદ્ધ થયું તો આ યુદ્ધની સૌથી ખરાબ અસર ગ્લોબલ ઈકોનોમી પર થશે.સાથેજ ભારતમાં પણ તેની ગંભીર અસર જોવા મળશે. યુદ્ધની અસર ભારતની આયાત નિકાસ પર પણ પડી શકે છે.

યુક્રેનમાં ફસાયેલા વિદ્યાર્થીઓને કાઢવા મોટો પડકાર 

ક્રૂડ ઓઈલ મામલે ભારત આયાત પર જ નિર્ભર છે. જેથી યુદ્ધ થયું તો ભારતનું આયાત બિલ વધી શકે છે. જેના કારણે વિદેશી મુદ્રામાં પણ ઘટાડો થશે. યુક્રેનમાં હાલ ઘણા વિદ્યાર્થીઓ મેડિકલનો અભ્યાસ કરી રહ્યા છે. જેથી હાલ જે પરિસ્થિતી સર્જાઈ છે. તેમા યુક્રેનમાં ફસાયેલા વિદ્યાર્થીઓને કાઢવા પણ એક મોટો પડકાર છે. 

બંન્ને દેશોના વેપાર પર થશે ગંભીર અસર 

ભારત અને યુક્રેન વચ્ચે પણ મોટા પ્રમાણમાં વેપાર થાય છે. જેમા યુક્રેન ભારતને ખાતર, એડિબલ ઓઈલ અને બોયલર જેવા જરૂરી સામાન સપ્લાય કરે છે. જ્યારે યુક્રેન ભારત પાસેથી દવા ખરીદે છે. 2020માં ભારતે યુક્રેન પાસેથી 1.45 બિલિયન ડોલરનું ખાદ્યતેલ ખરીદ્યું છે. જેથી યુદ્ધ થશે તો બંન્ને દેશોના વેપાર પર તેની મોટી અસર થઈ શકે છે. 

ક્રૂડ ઓઈલનો ભાવ 150 ડોલર સુધી પહોચશે 

બીજી તરફ રશિયા ઘઉનું ઉત્પાદન કરતો સૌથી મોટો દેશ છે. જેથી યુદ્ધ થશે તો ઘઉની સપ્લાયના ભાવ વધવાની પણ પૂરી શક્યતા છે. રશિયા ઘણા બધા દેશોને ગેસ સપ્લાય પણ કરે છે. જેથી જો વિવાદ વધ્યો અને યુદ્ધ થયું તો ક્રૂડ ઓઈલનો ભાવ 150 ડોલર સુઘી પહોચી શકે છે. જેના કારણે ગ્લોબલ જીડીપીને પણ મોટો ફટકો પડી શકે છે. 

ઘઉની કિંમતમાં થશે ધરખમ ઉછાળો 

ઉલ્લેખનીય છે કે જો બંન્ને દેશ વચ્ચે યુધ્ધ થયું તો તેની અસર મોંઘવારી પર પઁણ તેટલીજ જોવા મળશે. ખાસ કરીને મોટા ભાગના દેશોને આયાત નિકાસ કરવી પણ મોઘી પડી જશે. સાથેજ જે દેશો રશિયા પાસેથી ઘઉ ખરીદતા હોય છે. તે લોકોને ઘઉ ખરીદવા પર ઘણી મુશ્કેલી સર્જાશે કારણકે યુદ્ધ પછી ઘઉના ભાવમાં પણ વધારો થશે.