અકસ્માત / કરૂણાંતિકા: ટ્રક અને કાર ધડાકાભેર અથડાતા સર્જાયો ભયંકર અકસ્માત, ઘટના સ્થળેજ 5 લોકોના મોત

• ધોળકા-બગોદરા હાઈવે અકસ્માતમાં 5ના મૃત્યુ
• ઈકોકાર અને ટ્રક વચ્ચે સર્જાયો અકસ્માત
• આ અકસ્માતમાં 10 લોકો ઈજાગ્રસ્ત

ધોળકા-બગોદરા વચ્ચે ગમખ્વાર અકસ્માત

ધોળકા-બગોદરા હાઇવે પર ગમખ્વાર અકસ્માત સર્જાયો જેમાં ઘટના સ્થળે પાંચ મોત થઇ ગયા. જ્યારે અન્ય 10 લોકોને ઇજા પહોંચી છે. આ ગમખ્વાર અકસ્માતમાં ઇકો કાર ટોટલ લોસ થઇ ગઇ. આ ઘટનામાં ઇકો કારનો ટ્રક સાથે અકસ્માત થયો હતો ઘટના બનતા જ ધોળકા ટાઉન પોલીસ ઘટના સ્થળે પહોંચી હતી. જેમાં ઘાયલોને 108 મારફતે ધોળકા હોસ્પિટલ ખસેડાયા. મૃતકોમાં 2 પુરુષ અને 3 સ્ત્રીનો સમાવેશ થાય છે.  

ઈજાગ્રસ્તોને સારવાર માટે હોસ્પિટલમાં ખસેડાયા

આ અકસ્માતમાં 5 લોકોના ઘટના સ્થળે જ મોત થયા છે જ્યારે અન્ય ઘાયલ થયેલા લોકોને ઈજાઓ પહોંચી છે. તાત્કાલિક એમ્બ્યુલન્સની  મદદથી વધુ સારવાર માટે નજીકની હોસ્પિટલમાં રિફર કરવામાં આવ્યા છે. 

તાજેતરમાં બગોદરા હાઈવે પર અકસ્માતમાં ત્રણનાં મોત થયાં હતાં

10 દિવસ પહેલાં જ બગોદરા-વટામણ હાઈવે પર ગમખ્વાર અકસ્માત સર્જાયો હતો. એકાએક ટ્રક પાછળ એક તૂફાન ગાડી ઘૂસી જતાં અકસ્માત સર્જાયો હતો. આ અકસ્માતમાં ત્રણનાં મોત નીપજ્યાં હતાં અને 10 લોકો ઈજાગ્રસ્ત થયા હતા. અકસ્માત થયેલી તૂફાન કારમાં સવાર લોકો રાજકોટની અલગ-અલગ સ્કૂલના વિદ્યાર્થીઓ અને શિક્ષકો હતા. તેઓ રાજકોટથી વાપી ક્રિકેટ રમવા માટે સ્પર્ધામાં ગયા હતા. આ અકસ્માતમાં મૃતક અને ઈજાગ્રસ્તોને સરકારે સહાયની જાહેરાત કરી છે.