દુષ્કર્મ / સુરતમાં 12 વર્ષીય કિશોરીને પેટમાં દુઃખાવો થતા હોસ્પિટલ લઇ જવાઇ, ડૉક્ટરે કહ્યું 4 માસનો ગર્ભ છે

• સુરતની 12 કિશોરી પર દુષ્કર્મ
• ભાઇના કાકા સસરાએ દુષ્કર્મ આચર્યું
• બાંસવાડામાં કિશોરી પર દુષ્કર્મ આચર્યું 

રાજ્યમાં દુષ્કર્મની એક બાદ એક ઘટનાઓ સામે આવી રહી છે, ત્યારે ગુજરાતમાં મહિલા સુરક્ષા અને બાળકીઓના શોષણને લઈને અનેક સવાલો ઉઠી રહ્યા છે. ત્યારે સુરતમાં રહેતા પરિવારની 12 વર્ષની કિશોરી દુષ્કર્મનો શિકાર બની હોવાનું સામે આવતા હડકંપ મચી ગયો છે. 

બાંસવાડામાં ભાઇના કાકા સસરાએ દુષ્કર્મ આચર્યું

સુરતના સિંગણપોરમાં રહેતા પરિવારની કિશોરી પર તેના ભાઈના કાકા સસરાએ દુષ્કર્મ આચર્યું હોવાનું સામે આવ્યું છે, કિશોરી રાજસ્થાનમાં બાંસવાડામાં રહેતા તેના ભાઈના ઘરે સાસુ સસરાની સેવા માટે ગઈ હતી, તે સમયે તકનો લાભ લઈને ભાઈના જ કાકા સસરાએ કિશોરી સાથે દુષ્કર્મ આચર્યું હતું જે બાદ તેને કોઈને ન કહેવાની ધમકી પણ આપી હતી. 

પોલીસે ગુનો નોંધી કેસ બાસવાંડામાં ટ્રાન્સફર કર્યો 

જોકે થોડા સમયથી કિશોરી સુરત પરત ફરી હતી જ્યાં કિશોરીને બે દિવસથી પેટામાં દુખાવો થતા તેને સારવાર માટે પરિવાર સુરત લઈ આવ્યો હતો જેમાં મેડિકલ તપાસમાં કિશોરીને ચાર માસનો ગર્ભ હોવાનું સામે આવ્યું હતું, બનાવની જાણ થતા પરિવારના હોંશ ઉડી ગયા હતા જો કે સમગ્ર મામલે પરિવારે સિંગણપોર પોલીસમાં ફરિયાદ નોંધાવતા પોલીસે ગુનો નોંધી રાજસ્થાનના બાસવાંડામાં કેસ ટ્રાન્સફર કર્યો છે.