વાયરલ વી઼ડિયો / બેંચીસ પર કાપલી મૂકી વિદ્યાર્થીએ ચાલુ પરીક્ષાએ મોબાઈલથી બનાવ્યો વીડિયો, સૌરાષ્ટ્ર યુનિ.ની બેદરકારી છતી

• સૌરાષ્ટ્ર યુનિવર્સિટીની વધુ એક બેદરકારી આવી સામે 
• પરીક્ષા દરમિયાન ચોરી થયાનો વીડિયો આવ્યો સામે
• યુવકે પરીક્ષામાં બનાવેલો વીડિયો સોશીયલ મીડિયામાં વાયરલ
• વાયરલ વીડિયોની VTV પુષ્ટિ કરતું નથી

સૌરાષ્ટ્ર યુનિવર્સિટીની વધુ એક બેદરકારી સામે આવી છે. જેમાં ચાલુ પરીક્ષા દરમ્યાન ચોરી થયાનો વીડિયો સામે આવ્યો છે. જેમાં વિદ્યાર્થી ચાલુ પરીક્ષા દરમિયાન મોબાઈલથી વીડિયો બનાવી રહ્યો છે. ત્યારે તે વીડિયા યુવકે સોશિયલ મીડિયામાં વાયરલ કરી દીધો હતો. ત્યારે સોશિયલ મીડિયામાં વાયરલ થયેલ વીડિયોમાં વિદ્યાર્થી બેંચીસ પર બિંદાસ્ત કોપી મુકી આરામથી પેપર લખી રહ્યો છે. ત્યારે VTV આ વીડિયોની પુષ્ટિ કરતું નથી.

યુનિવર્સિટી દ્વારા કોઈ પગલા ભરાશે કે નહી
જાણવા મળતી માહિતી મુજબ વિદ્યાર્થી દ્વારા ચાલુ પરીક્ષા સમયે વીડિયો વાયરલ કરતા ચકચાર મચી જવા પામી છે. ત્યારે સૌરાષ્ટ્ર યુનિવર્સિટીની અવાર નવાર ઘણી ગેરરીતીઓ સામે આવી રહી છે. ત્યારે આજે વાયરલ થયેલ વીડિયોને કારણે હવે વિદ્યાર્થીઓનાં ભાવિ સાથે ચેડા કરવામાં આવી રહ્યા છે. વાયરલ થયેલ વીડિયો બાબતે યુનિવર્સિટી દ્વારા કોઈ પગલા લેવામાં આવશે કે નહી તે ચર્ચાનો વિષય છે.

પાંચ દિવસ પહેલા પરીક્ષામાં અનેક ગેરરીતીઓ સામે આવી હતી
સૌરાષ્ટ્ર યુનિવર્સિટીમાં પરીક્ષા દરમ્યાન ગેરરીતીના અનેક બનાવો પ્રકાશમાં આવવા પામ્યા છે. ત્યારે પાંચ દિવસ પહેલા જ સેમેસ્ટર-1 ના અલગ- અલગ વિભાગના કુલ 59 હજારથી વધુ વિદ્યાર્થીઓ પરીક્ષા આપી હતી.  પરીક્ષા શરૂ થયાના પાંચ દિવસમાં કુલ 8 વિદ્યાર્થીઓ પરીક્ષામાં ગેરરીતિ કરતા ઝડપાયા હતા. ત્યારે યુનિવર્સિટીએ કોપી કેસ કરી કાર્યવાહિ હાથ ધરી હતી.