આ છે શું? / Photos: ખેડામાં ફરી આકાશમાંથી પડ્યો અજીબ 'ગોળો', ગામ આખું રહી ગયું દંગ; પોલીસ તપાસ શરૂ

• ખેડામાં આવ્યો શંકાસ્પદ પદાર્થ
• ભુમેલ ગામે પડ્યો શંકાસ્પદ પદાર્શ
• પોલીસે પદાર્થ કર્યો જપ્ત

ખગોળીય ઘટના ઘણો કે પછી કે કોઇ ચમત્કાર. આકાશમાંથી કોઇ વસ્તુ જમીન પર પડી આવે તો આવી જ શંકા જાગે. ત્યારે ખેડા જિલ્લામાં આવું જ એક કુતૂહલ સર્જાયું છે. આકાશમાંથી એક ગોળો જમીન પર પડી આવતા આખુ ગામ સવાલ કરી રહ્યુ છે કે આ તો વળી શું હશે. અવકાશમાંથી એક ગોળ ગત રાત્રિના રોજ ગામમાં પડતા અનેક સવાલો થયા હતા કે  આ અવકાશી ગોળો શું હશે. આકાશમાંથી કેમ આવા ગોળી પડી રહ્યા છે ? ક્યાંક એલિયનની તો કોઇ વાત નથી ને ? 

ભુમેલ ગામે અવકાશી ગોળો પડ્યો

ખેડાના  ચકલાસી નજીક ભુમેલ ગામનો આ બનાવ છે. અહીં પોલ્ટ્રી ફાર્મમાં અવકાશી ગોળો પડતા ગ્રામજનો ચોંકી ગયા હતા. ઘટનાને પગલે સરપંચે પોલીસને જાણ કરતા ચકલાસી પોલીસ ઘટના સ્થળે આવી પહોંચી હતી. અવકાશમાંથી આવેલા ગોળાને જપ્ત કરીને FSLમાં મોકલવામાં આવ્યો છે.  સદનસીબે કોઇ જાનહાનિના સમાચાર સામે આવ્યા નથી. કારણ કે જ્યાં ગોળો પડ્યો હતો ત્યાં ખેતર ખાલી હતું.

અગાઉ દાગજીપુરાની સીમમાં મળી આવ્યો હતો ગોળો

મહત્વનું છે કે  દાગજીપુરાગામની સીમમાં ગુલાબના ખેતરમાં તેમજ ખાનકુવા ગામની સીમમાં ખેતરમાં તેમજ શિલી જીતપુરામાં ખેતરમાં છતના પતરા તોડી આકાશમાંથી ગોળા પડ્યા હતા. જેથી લોકો ગભરાઈ ગયા હતા. આ ઘટનાને લઈને લોકોમાં ભય અને દહેશત પ્રસરી જવા પામી હતી. ફએસએલ દ્વારા તપાસ કરવામાં આવી રહી છે. 

સ્પેસ બોલ હોવાનું અનુમાન 

એફએસએલના અધિકારીઓ દ્વારા હાલ આ ગોળાની ચકાસણી કરવામાં આવી રહી છે. આ ગોળા સેટેલાઇટમાંથી છુટ્ટા પડેલા સ્પેસ બોલ હોવાનું અનુમાન છે. 
 આ ગોળા વજનમાં બહુ હલકા છે. ફૂટબોલની સાઈઝથી થોડા મોટા અને ગોળાની બંને તરફ વેલ્ડીંગ કરાયેલું છે.. વજનમાં ભલે હલકાં પરંતુ છે મજબૂત, કારણ કે આકાશમાંથી પડવા છતાં આ ગોળાઓમાં કોઇ નુકસાન થયુ નથી. જેથી તે કોઇ વિશેષ ધાતુમાંથી બનાવવામાં આવ્યા હોવાનું અનુમાન છે.