જબરી કરી / આ કંઈ નાનો મોટો ખેલ નથી..! ગાંધીનગર મનપા ચૂંટણીમાં ભાજપના 41 કોર્પોરેટરનો એક સમાન ખર્ચ, મેયરનો લૂલો બચાવ

• ગાંધીનગર મનપા ચૂંટણીમાં એક સરખો ખર્ચ
• ભાજપના 41 ઉમેદવારોએ એકસરખો ખર્ચ બતાવ્યો
• ચા-પાણી, મંડપ, DJ બિલ એક જ જગ્યાના દર્શાવ્યા

ગાંધીનગર મનપાની ચૂંટણીમાં ભાજપના ઉમેદવારોએ એક સરખો ચૂંટણી ખર્ચ બચાવ્યો છે.ભાજપના 41 ઉમેદવારોએ એક સરખો ચૂંટણી ખર્ચ બતાવ્યો છે.ચા-પાણી, મંડપ, DJ બિલ પણ એક જ જગ્યાના દર્શાવ્યા છે.ઉમેદવારોના મતવિસ્તાર અલગ અલગ પરંતુ ચૂંટણી ખર્ચ એકસમાન છે.જોકે ચૂંટણીપંચે કોઈપણ વાંધો લીધા વિના તમામ એફિડેવિટ સ્વીકારી પણ લીધા છે.તમામ ઉમેરવારનો ચૂંટણી ખર્ચ 1 લાખ 33 હજાર 380 રૂપિયા દર્શાવ્યો છે.અને એકપણ ઉમેદવારે ડિપોઝીટ દર્શાવી નહીં.11 વોર્ડના 44 ઉમેદવારમાંથી 41 ઉમેદવાર ભાજપના છે...41 ઉમેદવારોએ એક જ ટી સ્ટોલની ચાના બિલ મુક્યા હતા.RTI એક્ટિવિસ્ટ સંતોષસિંહ રાઠોડે ચૂંટણીપંચમાં ફરિયાદ કરી હતી.

ભાજપના ઉમેદવારોએ ખોટી માહિતી રજૂ કરી છે: અંકિત બારોટ, ગાંધીનગર મનપા, કોંગ્રેસ કોર્પોરેટર
ગાંધીનગર મનપાના કોંગ્રેસના કોર્પોરેટરે આ વિશે નિવેદન આપતા કહ્યું કે તમામ ઉમેદવારોના એકસરખા ખર્ચ કેમ હોઇ શકે? ખોટી માહિતી આપવી ગુનો બને છે. સત્ય ટૂંક સમયમાં બહાર આવશે. અમે ચૂંટણી પંચને સમગ્ર મામલે રજૂઆત કરીશું. તેમજ કાયદાકીય પ્રક્રિયાનું પણ વિચારી રહ્યાં હોવાની વાત કહી છે.ભાજપના ઉમેદવારોએ ખોટી માહિતી રજૂ કરી છે તેમાં કોઈ ખોટું નથી

પ્રતિદિનનો ખર્ચ પણ એકસરખો!

મેયરે કર્યો લૂલો બચાવ
ગાંધીનગર મનપા ચૂંટણીમાં ઉમેદવારોનો એકસરખો ચૂંટણી ખર્ચ મામલે ગાંધીનગરના મેયર હિતેષ મકવાણાએ લૂલો બચાવ કરતાં કહ્યું છે કે મનપામાં ઉમેદવારો નહીં પરંતુ ભાજપ ટીમ લડતી હતી. તમામ ખર્ચ સેન્ટ્રલાઇઝ્ડ થયો હોવાથી એક સરખો ખર્ચ થયો છે.કોઇ પ્રકારનું ખોટું થયું નથી. કોંગ્રેસને જ્યાં જવું હોય ત્યાં જઇ શકે છે.